1 Kings 19:2 - Hawaii Pidgin Bible

² Az why Jezebel sen one messenja guy by Elijah fo tell him, “Befo dis time tomorra, I goin make you jalike you make da guys you wen kill! An if I no do dat, I like my gods do da same kine ting to me, an even mo worse!”

1 Kings 19:2 ပူးပေါင်းရင်းမြစ်များ

2 Samuel 19:13

An one mo ting: tell Amasa, ‘You, my blood an bones. I like God punish me plenny, if from right now till you mahke, mo betta you be da main leada guy fo my army. Cuz Joab not da main leada no moa!’ ”

2 Samuel 3:9

I like Da One In Charge punish me, Abner, an make mo worse to me even den dat, if I no go David side now! I goin do fo him wat Da One In Charge wen make one strong promise fo do.

1 Kings 2:23

Den King Solomon make one strong promise to Da One In Charge. He tell, “If I no go do wat I tell now, I like God kill me, o do mo worse tings! Dis Adonijah guy goin mahke, cuz he tell you fo come tell me dat!

1 Kings 2:28

Joab wen hear wat wen happen. (Befo time, Joab wen push Adonijah fo come King, but he neva push Absalom.) Joab run to da Tent Fo No Foget Da Deal Wit Da One In Charge, an he grab da tings jalike horns dat stick out from da four corna a da altar.

1 Kings 20:10

Den Ben-Hadad sen back da messenja guys fo tell Ahab, “I make dis promise: I goin bus up da Samaria town! No goin get enuff dirt ova dea fo all my army guys pick up even one hand full. If I no bus up Samaria town, den I like da gods bus me up even mo den dat!”

2 Kings 19:22

“ ‘You stay talk bad bout me, aah, Sennakerib?! You stay talk big, aah?! You tink you get mo powa den me, aah?! Me, da God dat stay good an spesho fo da Israel peopo!

2 Kings 6:31

He tell, “Elisha gotta mahke today! If not, I like God do someting even mo bad to me!”

Outa Egypt 10:28

Da Pharaoh guy tell Moses, “Get outa hea! Make shua you no come back fo see me no moa! Cuz da nex time you see me, you goin mahke!”

Outa Egypt 15:9

“Da guys dat stay agains us, dey tell, ‘I goin chase um! I goin catch um up! I goin give my frenz dea share A da stuff I goin take away from dem guys! I goin do eryting I like do to dem! I goin pull out my sword an kill um! Wit ony my hands I goin make um run away from hea!’

Smart Guys 27:1

No talk big bout wat you goin do tomorra. Cuz you donno wat goin happen den.

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 26:21

Wen King Jehoiakim an all his main army guys an leada guys hear wat Uriah tell, da king sen somebody fo go find Uriah an kill um. But Uriah hear dis, an he come sked an run away Egypt side.

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Ruth 1:17

An da place you mahke, I goin mahke dea too. Dass wea dey goin bury me! I like Da One In Charge punish me plenny If I go way from you! Us goin stick togedda Till you mahke, o I mahke!”