1 Kings 18:31 - Hawaii Pidgin Bible

³¹ Elijah go get twelve stone, one stone fo all da twelve ohanas dat come from Jacob. (An Jacob, he da guy long time befo time get one message from God, “From now, yoa name goin be ‘Israel.’ ”)

1 Kings 18:31 ပူးပေါင်းရင်းမြစ်များ

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Start 32:29

But den Jacob tell, “Try tell me yoa name?” But da guy tell, “How come you like know? No good you aks me dat!” Right den an dea, da guy tell Jacob da spesho tings God like do fo him.

Start 33:20

Jacob put up one altar dat place, an he call um El-Elohe-Yisrael, dat mean “God, he da God fo Israel,” dea language.

Start 35:10

He tell Jacob, “You, yoa name Jacob, But from now, yoa name no goin be Jacob. Yoa name Israel now.” Dass how God give Jacob da name Israel, “Fight Wit God.”

2 Kings 17:34

Till today, dose odda peopos still do da same ting dey wen do befo time. Dey no show respeck fo Da One In Charge fo real kine. Dey no stay do wat God tell dey gotta do. Dey no do wat God Da Judge tell az right. Dey no stay stick wit da rules dat Da One In Charge wen give da Jacob ohana, an give um da name Israel.

Ezra 6:17

Fo give da Temple to God, dey make plenny sacrifice. Dey kill hundred young bulls, two hundred boy kine sheeps, an four hundred bebe sheeps. Dey bring twelve boy kine goats fo make one sacrifice fo take away da shame fo all da bad tings dey wen do, one goat fo ery Israel ohana.

Outa Egypt 24:4

Den Moses write down all da tings Da One In Charge tell. Da nex morning early, Moses tell da peopo fo help build one altar down from da mountain. He tell um fo set up twelve big stone aroun da altar, one big stone fo all da Israel ohanas.

Isaiah 48:1

You Jacob ohana peopo, Lissen wat I goin tell you guys. You guys get da Israel name too, from yoa ancesta, An you Jerusalem peopo all come from Judah. Wen you guys make one strong promise, You use Da One In Charge name. You tell da God dat Israel wen pray to Fo him make shua you do wat you wen promise fo do. Still yet, you guys no mean wat you tell, An you no do wass right.

Jeremiah 31:1

Da One In Charge tell dis: “Dat time, I goin come da God fo all da peopo dat get da Israel blood line, an dey goin come my peopo.”

Ezekiel 47:13

Dis wat Da One In Charge, da Boss, tell: “Dese da bordas wea you goin split da land fo give properties to da twelve ohanas dat come from Israel, wit two parts fo da Joseph ohana.

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.

Joshua 4:20

Den Joshua set up da twelve stones dey wen take from da riva nea Gilgal.

Jesus Show 21:12

Had one big high wall wit twelve gate, an one angel guy by ery gate. On top da gates stay write da names fo da twelve ohana fo da Israel peopo.