1 Kings 18:27 - Hawaii Pidgin Bible

²⁷ Wen come noon time, Elijah start fo mout off at dem. He tell, “Yell mo loud! Cuz Baal one god. Maybe he tink real hard bout someting, o maybe he stay inside da lua, o he go holoholo. Maybe he stay sleep, an gotta wait till he wake up!”

1 Kings 18:27 ပူးပေါင်းရင်းမြစ်များ

1 Kings 18:26

Da guys dat talk fo Baal take da bull Elijah wen give um an kill um fo make ready da sacrifice. Dey use Baal name fo call him. Dey do dat from morning time till noon time. Dey yell, “Eh, Baal, lissen us guys an do someting!” But dey no hear notting from Baal. Nobody tell dem notting. Den dey go dance all ova da altar dey wen build.

1 Kings 18:28

So den dey wen yell mo loud, an cut dea skin wit sword an spear, cuz dass wat dey do, till da blood come out.

1 Kings 22:15

Den Mikaiah come by King Ahab. Da king aks him, “Mikaiah! We goin go attack Ramot Gilead town? O we no do notting?” Mikaiah tell him, “Go attack um an win da war! Cuz Da One In Charge goin give da town to oua king!”

2 Records 25:8

Mo betta, jus you go fight an no sked! Be strong! Cuz if da Israel guys go wit you, God goin make you jam up wen you fight da guys dat stay agains you. God, he get da powa fo help you, o fo make you jam up.”

Songs 121:4

Eh! Da One In Charge, He jalike da bodyguard fo da Israel peopo. He no need sleep! He stay awake all da time.

Songs 39:3

Inside, bodda me plenny. All da time I stay moan, Jalike get one fire Dat stay burn inside me. Den, I wen start fo talk. Dis wat I tell:

Songs 44:23

Eh! You da boss fo me! Wake up! How come you stay sleeping?! Wake up! No bag From us guys all da time!

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Isaiah 41:23

An tell us wat goin happen bumbye. Den we goin know dat you idol kine gods, You fo real! Do someting, good o bad, Den we goin come bum out an sked, Wen all us guys togedda see wat you do!

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Ezekiel 20:39

“ ‘An fo you Israel ohana peopo, dis wat me Da One In Charge, da Boss, tell: All you guys go work fo yoa idol kine gods if you like! But fo shua, bumbye, you guys goin lissen me. I get one good rep cuz I stay good an spesho, an you guys no goin give me one pilau rep no mo wit yoa idol kine gods an da gifs you give um.

Matthew 26:45

Jesus come back by his guys an tell, “How come you guys still yet stay sleeping an resting! Nuff awready! Time awready! I da Fo Real Kine Guy, an da bad guys goin set me up fo grab me.

Mark 14:41

He come back one mo time, an tell um, “So, wat? You guys still stay sleeping an ressing?! Nuff awready. Time awready! I da Fo Real Kine Guy, an now dey goin set me up fo da bad guys grab me.

Mark 7:9

An he tell um, “You guys jalike da sly mongoose, aah?! You guys know how fo dump da Rules From God, fo you guys stick wit wat some peopo wen teach you long time befo time.