1 Kings 18:12 - Hawaii Pidgin Bible

¹² But afta I leave you, I donno wea God Spirit goin pick you up an bring you. If I go tell Ahab dat you stay hea, an he no can find you hea, he goin kill me! No matta I yoa slave guy, an I get awesome respeck fo Da One In Charge from small kid time.

1 Kings 18:12 ပူးပေါင်းရင်းမြစ်များ

1 Kings 18:11

An now, you tell me go tell my boss, ‘Elijah stay hea awready!’

2 Kings 2:11

Wen dey stay walk an talk togedda, right den an dea one war wagon on fire an horses on fire show up, an make da two guys go apart. Den Elijah go up inside da sky inside one whirlwind.

2 Kings 2:16

Dey tell, “Look. Us guys stay yoa worka guys, an we get fifty strong guys hea. Try let um go an look fo yoa boss. Maybe da Spirit from Da One In Charge wen pick him up, an put him down on top one mountain, o inside one gulch.” Elisha tell, “Nah. No need sen dem.”

2 Records 34:3

Wen he stay king eight year, an he still young, he start fo try stay tight wit da God dat his ancesta David wen pray to. Wen he stay king twelve year, he start fo throw out from Judah an Jerusalem da sacrifice places on top da hills, da tiki poses fo da wahine god Asherah, an da idol kine gods dey carve an da gods dey make wit da metal dey melt.

Songs 71:5

You my boss, an I stay shua Dat bumbye you goin do Good tings fo me. Eh! You Da One In Charge! From da time I was one young boy, I still stay trus you.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Teacha 7:18

Mo betta you hang in dea an do da right ting, An no do wass wrong. Da guy dat stay sked a God, He no goin try go too far.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Ezekiel 11:24

God Spirit lif me up an take me by da Israel peopo dat stay prisonas Babylon side, inside da dream I get from God Spirit. Den dis dream I see disappea.

Ezekiel 37:1

I wen feel da powa from Da One In Charge come on top me. His Spirit take me in da middo a one valley dat stay fill up wit bones.

Ezekiel 8:3

He put out someting dat look jalike his hand, an grab my hair. Da Spirit pull me up. Da earth was undaneat me an da sky was ova me. Wat God wen show me was jalike one dream. Da Spirit take me to Jerusalem, by da place wea you go inside da north gate fo da inside open lanai fo da Temple. Dass wea one idol kine god stay, da kine dat Da One In Charge hate.

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Matthew 4:1

Afta dat, God Spirit take Jesus to da boonies, fo da Devil try presha him fo make um do bad kine stuff.

Luke 1:15

John goin be one importan guy, da way Da One In Charge see um. He not goin drink wine o odda kine booze. Da Good An Spesho Spirit goin take charge a him befo he born.

Jesus Guys 12:19

Dey tell King Herod, an he tell um fo look all ova fo Peter. But dey no can find um. Herod aks da guards dat stay watch Peter all kine question bout wat wen happen. Den he tell da odda guys fo kill da guards. Laytas King Herod go from Judea to Cesarea an stay ova dea short time.

Jesus Guys 8:39

Wen dey come outa da watta, right den an dea da Good An Spesho Spirit a Da One In Charge take Philip away. Da govmen guy neva see Philip no moa, but he go an he feel real good inside.

2 Timoty 3:15

From small kid time, you know awready da tings da peopo from befo time wen write inside God Spesho Book, da Bible. You know dat dis stuff can make you come smart fo know how fo ack, an fo get you outa da bad kine stuff you do. Az why gotta trus God Spesho Guy Jesus Christ, an gotta stay tight wit him.

1 Samuel 16:2

But Samuel tell, “How can?! Fo shua Saul goin hear dat I go, an he goin kill me!” Da One In Charge tell, “So?! Take one young girl kine cow wit you an tell da peopo, ‘I stay hea fo make one sacrifice fo Da One In Charge.’

1 Samuel 2:18

Da boy Samuel, he wear da linen kine ves jalike one pries, an he do da pries kine work in front Da One In Charge.

1 Samuel 2:26

Same time, da boy Samuel stay grow mo an moa. An Da One In Charge an da peopo tink good stuff bout Samuel.