1 Kings 18:10 - Hawaii Pidgin Bible

¹⁰ I shua dat yoa God, Da One In Charge, stay alive, an I shua bout dis too: my boss Ahab wen sen peopo to ery country an ery king fo look fo you! An wen dey tell, ‘Elijah no stay hea,’ den Ahab make da king promise fo tell da trut dat dey no can find you.

1 Kings 18:10 ပူးပေါင်းရင်းမြစ်များ

1 Kings 1:29

King David make one strong promise to her. He tell, “Da promise I wen make to you, you can trus um fo shua. Jalike fo shua Da One In Charge stay alive, an erytime I get big trouble, he da one fix up eryting fo me. An jalike I stay shua bout dat,

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

1 Kings 17:12

She tell, “Jalike you stay shua yoa God, Da One In Charge, stay alive, I shua dat I no mo even one pancake. I ony get one handful flour inside one box, an litto bit olive oil inside one jar—dass it! An me, I come ova hea fo pick up two-three stick. Den I go home cook da flour an da oil fo me an my boy. Us goin eat um, den wen us pau, us mahke!”

1 Kings 17:5

Elijah go an do wat Da One In Charge tell um fo do. He go da Kerit Gulch, mauka da Jordan Riva, an stay dea.

1 Kings 17:9

“Go Zarefat town now, nea Sidon town. Stay dea. I awready wen tell one widow wahine ova dea fo give you food.”

1 Kings 18:11

An now, you tell me go tell my boss, ‘Elijah stay hea awready!’

1 Kings 18:15

Elijah tell, “Jalike I shua dat Da One In Charge, Da God Ova All Da Armies, stay alive, I shua I goin stan in front Ahab today, an I goin let him see me!”

1 Kings 18:9

Obadiah tell, “Wat I wen do wrong, fo me gotta do dis?! Cuz if I do wat you tell me fo do, az jalike you set me up so my boss Ahab goin kill me fo shua!

1 Kings 2:24

Fo shua Da One In Charge stay alive, an he da One make me strong, an make me sit down on top da same throne jalike my faddah David. An I stay shua dat he wen make me one promise dat da Kings fo da Israel peopo goin come from my blood. An cuz I stay shua bout all dat, I know, Adonijah goin mahke today!”

1 Kings 22:14

But Mikaiah tell, “Jalike fo shua Da One In Charge stay alive, I stay shua too bout da ony ting I goin tell him! Az wat Da One In Charge goin tell me!”

Songs 10:2

Da guys dat do wass wrong, An get big head bout dat, Dey go afta da peopo Dat stay pooa. I like fo da bad tings dey plan fo do, Happen to dem!

Songs 31:20

You hide dem right dea wea you stay Fo make shua da peopo Dat make plan fo hurt dem, no can. You put dem inside one place Wea da oddas no can find um, Fo da peopo dat talk bad bout dem No can do notting.

Songs 91:1

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Jeremiah 36:19

Den da leada guys tell Baruk, “You an Jeremiah betta go hide! No let nobody know wea you guys stay.”

Jeremiah 36:26

Den da king tell Jerahmeel, one prince from da king ohana, Seraiah, Azriel boy, an Shelemiah, Abdeel boy, fo go arres Baruk da writa guy, an Jeremiah, da guy dat talk fo God. But Da One In Charge wen hide dem.

John 8:59

Den dem guys go get rocks fo stone Jesus fo kill um. But he hide an go outside from da open lanai fo da Temple.

1 Samuel 23:23

Find out bout all da place wea he go hide, an come back by me wen you know fo shua. Den I goin go wit you. If he stay ova dea, I goin track him down, no matta I gotta check out all da Judah ohanas!”

1 Samuel 29:6

So Akish tell David fo come. He tell David, “Fo shua, yoa God, Da One In Charge, stay alive, an fo shua you one guy dat stay do wass right. Da way I see um, good, you go wit me an fight inside oua army. From da time you wen come by me till now, I no find notting wrong wit you. But da way da odda king guys see um, az not good you stay wit us guys.