1 Kings 17:6 - Hawaii Pidgin Bible

⁶ Ery day morning time, an ery day befo nite time, da scavenja birds bring him food an meat, an he drink watta outa da Kerit Stream.

1 Kings 17:6 ပူးပေါင်းရင်းမြစ်များ

1 Kings 13:28

Da guy dat talk fo God go out, an he find da guy body on top da road, an da donkey an da lion stay stan nea da body. Da lion neva eat da body, an he neva bus up da donkey.

1 Kings 17:5

Elijah go an do wat Da One In Charge tell um fo do. He go da Kerit Gulch, mauka da Jordan Riva, an stay dea.

1 Kings 17:7

Den eryting change. Da stream all come dry, cuz no mo rain all ova da land.

1 Kings 19:6

Elijah look aroun, an right dea by his head, get one roun flat bread, da kine dey bake on top da hot rocks, an one bottle watta. He eat da bread an drink da watta, den he lay down one mo time.

1 Kings 19:8

So Elijah stan up, an eat an drink. Dat food make him strong one mo time, an he go forty day, day time an nite time, till he reach Mount Sinai, da mountain wea God stay.

Songs 33:18

But Da One In Charge, he stay watch Da peopo dat get respeck fo him, Da ones dat stay wait, Dey shua Da One In Charge Goin show he stay tight wit dem.

Songs 37:19

Wen eryting stay bad, Dey no goin come shame. Wen no mo notting fo eat, Dey goin get plenny fo eat.

Songs 37:3

Trus Da One In Charge an do good tings. Live on top yoa land An take kea da land.

Outa Egypt 16:35

Da Israel peopo eat da manna fo forty year, all da time till dey get to da land wea dey goin make house. Wen dey come jus outside da Canaan land, den no mo da manna no moa.

Isaiah 33:16

Dey da peopo goin live up high in da mountains Wea nobody can hurt dem, Cuz get strong wall an high cliff ova dea, An dey get plenny food an watta.”

Jeremiah 37:21

Den King Zedekiah tell his guys fo put Jeremiah inside da palace open lanai wea get security guard guys. He tell um fo give Jeremiah one roun bread from da street wea da baker guys make bread, ery day till all da bread inside Jerusalem all gone. Dass how Jeremiah stay inside da open lanai dat get security guard guys.

Jeremiah 40:4

But now, Jeremiah, dis wat I goin do: I goin hemo da chains from yoa wris an let you go today. If you figga az good fo you fo come wit me Babylon side, den come, an I goin take kea you. But if you figga az one bad idea fo come wit me, den az all right too. Try look! You can spock da whole Judah land in front you. Wateva place look good, an look jalike da right place fo you go, go dea!”

Census 11:23

Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Luke 22:35

Den Jesus tell dem, “Wen I wen sen you guys out befo time, an you no mo money bag, o bag fo yoa clotheses, o slippas, you neva need notting moa, aah?” Dey tell, “No.”

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.

Local Leadas 14:14

Samson tell, “From da one dat eat, come someting fo eat. From da strong one, come someting sweet.” Fo three days dey no can figga wat dat mean.