1 Kings 17:4 - Hawaii Pidgin Bible

⁴ Da Kerit Stream goin be wea you get watta fo drink. I wen tell da scavenja birds awready, fo go bring food fo feed you ova dea.”

1 Kings 17:4 ပူးပေါင်းရင်းမြစ်များ

1 Kings 13:28

Da guy dat talk fo God go out, an he find da guy body on top da road, an da donkey an da lion stay stan nea da body. Da lion neva eat da body, an he neva bus up da donkey.

1 Kings 17:3

“No stay hea! Go da east side an go hide up dea inside da Kerit Gulch, mauka da Jordan Riva.

1 Kings 17:5

Elijah go an do wat Da One In Charge tell um fo do. He go da Kerit Gulch, mauka da Jordan Riva, an stay dea.

1 Kings 17:9

“Go Zarefat town now, nea Sidon town. Stay dea. I awready wen tell one widow wahine ova dea fo give you food.”

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Job 38:41

Who give food to da scavenja bird Wen dea bebes cry to me, God, fo food, An go all ova da place cuz no mo food?”

Songs 147:9

Da One In Charge, him da one dat give food To da farm animals, An to da bebe scavenja birds Weneva dey yell fo food.

Jonah 2:1

Wen Jonah stay inside da fish, he pray to God, Da One In Charge.

Census 20:8

“Take Aaron stick fo walk outa Da Box Fo No Foget Da Deal Wit God. You an yoa braddah Aaron, go get da peopo an bring um togedda. Talk to da cliff dey see in front dem, an watta goin come out. You goin bring watta outa da cliff fo da peopo. Dass how you goin give dem an dea animals watta fo drink.”

Matthew 4:11

Den da Devil go way from Jesus, an you know wat? Angel guys from Da One In Charge come an kokua Jesus.

Matthew 4:4

But Jesus tell, “Da Bible tell, “ ‘No mo nobody dat can live ony wit food, Gotta lissen eryting God tell, Fo live fo real kine.’ ”