1 Kings 17:22 - Hawaii Pidgin Bible

²² Den Da One In Charge hear Elijah. Da life come back to da boy body, an he come alive.

1 Kings 17:22 ပူးပေါင်းရင်းမြစ်များ

1 Kings 17:23

Den Elijah pick up da boy an carry him back down from da room wea he stay an bring him inside da house. He give da boy to his muddah an tell, “Look! Yoa boy, stay alive!”

2 Kings 13:21

One time wen some Israel guys stay burying one guy dat wen mahke, right den an dea dey see some a da steala gang guys, so dey throw da guy body inside Elisha tomb an go way. Wen da body touch Elisha bones, da guy come back alive one mo time, an he stan up on his feets.

Luke 7:14

Den Jesus go an touch da open box wit da guy inside, an da guys dat stay carry um stan dea. He tell, “Eh, brah, I tell you, sit up!”

Luke 8:54

But Jesus take her hand an tell, “Eh litto girl, sit up!”

John 11:43

Afta he tell dat, he talk real loud, “Lazarus, come outa dea!”

Jesus Guys 20:12

Da peopo take da young guy Eutykus home, an dey feel good inside cuz he stay alive.

Rome 14:9

Dass how come Christ wen mahke, an den come back alive one mo time. He do dat fo show he Da One In Charge fo da peopo dat mahke awready, an same ting fo da peopo dat stay alive too.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Hebrews 11:35

An had wahines too. Dea ohana guys wen mahke, an den come back alive cuz dea wahines wen trus God. Cuz a dat, dey get dea guys back. But had odda guys dat wen trus God, an dey get beat up real bad. Dey neva like sell out to da guys dat go agains dem jus fo dem get outa trouble. Cuz dey know dey goin get one mo betta life bumbye—dey goin come back alive afta dey mahke.

Jesus Show 11:11

But you know wat? Afta three an a half days, God make dose two guys breave one mo time, an dey stan up. Erybody dat see um come real sked.

1 Samuel 2:6

“Yeah, Da One In Charge, make peopo mahke, An make dem come alive too. Yeah, he take peopo down inside da Mahke Peopo Place, An he bring um out.