1 Kings 17:16 - Hawaii Pidgin Bible

¹⁶ Da box flour neva come empty, an da jar erytime get olive oil inside. Dis happen jalike wat Da One In Charge wen tell Elijah fo tell da wahine.

1 Kings 17:16 ပူးပေါင်းရင်းမြစ်များ

1 Kings 13:5

Da altar wen broke in two piece an da ash from da sacrifice fat spill out, jalike da sign dat da guy dat know God wen give cuz Da One In Charge wen tell um.

1 Kings 16:12

Dass how Zimri wen wipe out all da Baasha ohana peopo. Dis happen jalike Da One In Charge wen tell da guy Jehu dat talk fo him fo tell Baasha.

1 Kings 17:15

Da wahine go do jalike Elijah tell. An Elijah, an da wahine, an her boy get food fo ery day fo long time.

1 Kings 17:17

Afta all dat wen happen, da wahine dat own da house, her boy come sick. He come mo an mo sick, till da boy no can breave no moa.

1 Kings 22:38

Da king guys take da king war wagon by one watta place Samaria side, wea da wahines dat fool aroun fo money go fo bafe. Da guys wash down da war wagon dea, an da dogs suck up da blood from da king, jalike da message from Da One In Charge wen tell befo time.

2 Kings 1:17

An King Ahaziah mahke, jalike Da One In Charge wen tell Elijah. An cuz Ahaziah no mo boy, his braddah Joram come da nex Israel king.

2 Kings 5:14

So Naaman go down inside da Jordan Riva seven time, jalike Elisha, da guy dat stay tight wit God, wen tell him fo do. Den Naaman body come good, jalike one young boy body, an no mo da sick.

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Matthew 26:7

Wen Jesus stay eating ova dea, had one wahine dat bring one fancy bottle da kine dey make from alabaster rock. Inside had da kine fancy perfume dat cost plenny. She pour da perfume on top Jesus head wen he stay eating.

Luke 1:37

Notting too hard fo God, you know.”

Luke 1:45

Da One In Charge stay do plenny good stuff fo you, cuz you stay shua dat da ting he tell goin happen.”