1 Kings 17:1 - Hawaii Pidgin Bible

¹ Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

1 Kings 17:1 ပူးပေါင်းရင်းမြစ်များ

1 Kings 17:12

She tell, “Jalike you stay shua yoa God, Da One In Charge, stay alive, I shua dat I no mo even one pancake. I ony get one handful flour inside one box, an litto bit olive oil inside one jar—dass it! An me, I come ova hea fo pick up two-three stick. Den I go home cook da flour an da oil fo me an my boy. Us goin eat um, den wen us pau, us mahke!”

1 Kings 17:2

Laytas, Da One In Charge tell Elijah:

1 Kings 18:1

Long time afta dat, da numba three year dat no mo rain, one message come from Da One In Charge fo Elijah: “Go talk to King Ahab. Cuz now, I goin make rain come down on top da groun.”

1 Kings 18:10

I shua dat yoa God, Da One In Charge, stay alive, an I shua bout dis too: my boss Ahab wen sen peopo to ery country an ery king fo look fo you! An wen dey tell, ‘Elijah no stay hea,’ den Ahab make da king promise fo tell da trut dat dey no can find you.

1 Kings 18:15

Elijah tell, “Jalike I shua dat Da One In Charge, Da God Ova All Da Armies, stay alive, I shua I goin stan in front Ahab today, an I goin let him see me!”

1 Kings 22:14

But Mikaiah tell, “Jalike fo shua Da One In Charge stay alive, I stay shua too bout da ony ting I goin tell him! Az wat Da One In Charge goin tell me!”

1 Kings 8:35

“Bumbye, wen yoa peopo do bad kine stuff An go agains you, You goin shut da sky An no let rain come down. But wen dey tink bout dis place An look dis way an pray, An tell dat dey yoa peopo fo real kine, Den dey goin turn aroun An no do bad kine stuff Cuz you punish um awready.

2 Kings 1:3

But one angel from Da One In Charge tell Elijah from Tishbe town, “Go up meet da messenja guys from da Samaria king, an aks dem, ‘Wot?! No mo God inside Israel, o wat?! Az why you gotta go Ekron side fo aks dea god Baal-Zebub wat goin happen?!’

2 Kings 3:14

Elisha tell, “I know dis fo shua: Da One In Charge, he da God Ova All Da Armies. An he stay alive, an I work fo him. If I neva get respeck fo Jehoshafat, da king fo da Judah peopo, I no even goin look at you, King Joram, o see you.

2 Kings 4:38

Elisha go back Gilgal town. Dat time, no mo food ova dea. Had one time, da guys dat stay learn how fo talk fo God come togedda an sit in front him. Elisha tell his helpa guy, “Put da big pot on top da fire an cook some stew fo dese guys.”

2 Kings 5:16

Elisha tell him, “No need do notting fo me! Fo shua, Da One In Charge stay alive, an I work fo him! I no goin take notting!” Naaman still try fo make him take someting, but he no take um.

2 Kings 5:20

Gehazi, he work fo Elisha, da guy dat stay tight wit God. Gehazi figga, “Bummahs! My boss no like take notting from all da stuff dat Naaman da Aram guy like give him. Jalike fo shua Da One In Charge stay alive, so I stay shua I goin go run afta Naaman, an try get someting from him.”

2 Records 21:12

Jehoram get one letta from Elijah, da guy dat talk fo God, dat tell: “Dis, one message from Da One In Charge, da God fo yoa ancesta David: ‘You no make jalike yoa faddah Jehoshafat, o jalike Asa da Judah king.

2 Records 6:26

“Bumbye maybe da sky goin stay shut so no mo rain, cuz yoa peopo wen do bad kine tings agains you. But den dey goin look to dis place fo pray. Dey goin tell dat you dea Boss fo real kine. Dey goin change dea mind an turn away an no do bad kine stuff, cuz you stay punish dem.

Job 12:15

If Da One In Charge hold back da watta, eryting come dry. If he let go da watta, da watta make flood ova da land.

Isaiah 49:18

Look aroun you! All yoa guys stay come back togedda Fo come by you. An jalike I shua dat I alive, I shua dose guys goin come back An make Jerusalem town look good, Jalike wen one lady put on her jewels Wen she go get married!” Dass da ting Da One In Charge tell.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 15:19

Az why Da One In Charge tell me dis: “Jeremiah, if you come sorry an change, I goin let you come back by me An work fo me one mo time. If you tell me stuff dat good fo me hear, An no tell wase time kine stuff, You can talk fo me one mo time. Let dese peopo come do stuff yoa way, But you betta not do stuff dea way!

Jeremiah 28:8

From befo time, da guys dat wen talk fo Da One In Charge befo me an you, dey wen tell bout all da bad kine stuff dat goin happen to plenny countries an plenny strong kings. Dey tell how goin get war, an real bad kine tings goin happen, an goin get da real bad kine sick.

Haggai 1:10

Az why, cuz a you guys, da sky hold back even da light rain, an da groun hold back da food.

Matthew 11:14

Dis guy John, he da guy dey tell goin come, jus like Elijah. You tink you guys can handle dat, o wat?

Matthew 16:14

Dey tell, “Get guys dat tell you John Da Baptiza Guy. An get odda guys dat tell you Elijah. Get mo odda guys dat tell you Jeremiah, o anodda guy dat talk fo God long time befo time.”

Matthew 27:47

Some odda guys dat stay ova dea hear him an tell, “Dis guy stay yell fo Elijah fo come!”

Matthew 27:49

But da odda guys tell, “Try wait! We go see if Elijah goin come fo get him outa dis.”

Matthew 7:29

cuz he teach wit plenny powa. He not jalike da teacha guys dat teach da Rules From God an no mo powa.

Luke 1:17

John goin come firs, wit da same kine spirit an powa dat Elijah wen get. He goin make da faddahs get love an aloha fo dea kids one mo time. An da peopo dat no lissen God, he goin make dem stay tink jalike da peopo dat do wass right. He goin make da peopo ready fo wen Da One In Charge come.”

Luke 1:19

Da angel guy tell, “Me Gabriel, da one dat stan in front God, an he wen sen me fo tell you dis good stuff.

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Luke 9:30

Right den an dea two guys, Moses an Elijah, come outa no wea, an dey stay talk wit Jesus!

Luke 9:33

Wen da two guys start fo go way from Jesus, Peter tell him, “You know wat, Boss? Good we stay ova hea! We goin make three shacks, one fo you, one fo Moses, an one fo Elijah!” (He neva know wat he stay talk bout.)

Luke 9:54

Wen his guys James an John see dat, dey tell him, “Boss, you like us tell God fo sen down fire from da sky fo kill um?”

John 1:21

Dey tell John, “Den who you? You Elijah?” He tell, “No, I not.” Dey tell, “Den you da Spesho Guy dat goin come an talk fo God?” He tell, “No, I not.”

John 1:25

Dem guys tell him, “Kay den. If you not da Spesho Christ Guy Dat God Goin Sen, an you not Elijah, an you not da Spesho Guy dat goin come an talk fo God, den how come you stay baptize da peopo?”

Jesus Guys 27:23

I stay tight wit God an work fo him, you know. Las nite one angel messenja guy from God stan by me.

Rome 11:2

God neva tell he no like his peopo no moa. Dey da ones he pick from befo time. You foget wat da Bible tell bout Elijah? He wen tell God, “How come you no do notting agains da Israel peopo?!”

Rules Secon Time 10:8

Dat time Da One In Charge make da Levi ohana guys spesho fo him, cuz dey goin carry da Box Fo No Foget Da Deal Wit Da One In Charge. He tell da Levi ohana guys fo stan in front him an make one sacrifice fo him too, an fo pray to God cuz dey his guys, an he do good tings fo dem. An da Levi ohana guys still yet do all dat today.

James 5:17

Elijah was jalike us guys. One time, he wen pray real hard an aks God fo go hold back da rain. An God wen hear him an do um. Dass why neva had rain ova dea fo three an a half year, dat time.

Jesus Show 11:6

Dose guys get da powa fo shut up da sky fo da rain no come. Dey goin stay tell wat God tell. Dey get da powa fo make da watta change fo come blood. An dey get da powa fo make all kine trouble come on top da peopo all ova da world too, weneva dey like.

Local Leadas 12:4

Den Jeftah call da Gilead army guys, an dey fight da Efraim guys. Da Gilead guys wack dem, cuz da Efraim guys tell, “You Gilead guys, you ony guys dat run away from da real Efraim an Manasseh ohanas!”