1 Kings 15:19 - Hawaii Pidgin Bible

¹⁹ “Yoa faddah an my faddah wen make one deal fo help each odda. So now, az good me an you make da same kine deal. Look—I stay sen you one present, silva an gold. I like fo you go broke da deal you get wit Baasha, da king fo da Israel peopo, so he no fight wit me.”

1 Kings 15:19 ပူးပေါင်းရင်းမြစ်များ

2 Samuel 21:2

So da king tell da Gibeon guys fo come talk togedda wit him.

1 Kings 15:16

All da time dey stay king, King Asa an King Baasha from Israel side make war wit each odda.

2 Kings 18:15

So Hezekiah give him all da silva dat dey find inside da Temple Fo Da One In Charge, an inside da rooms inside da king palace wea dey keep da expensive kine stuffs.

2 Records 16:3

“I like make one deal wit you, jalike da deal my faddah wen make wit yoa faddah. Look, I sen you dis present, silva an gold. Now broke yoa deal wit Baasha da Israel king, so he go home an no come afta me.”

2 Records 16:7

Dat time, get one guy Hanani dat can see wass goin happen bumbye. He go by Asa da Judah king, an tell him, “Cuz you wen trus da Aram king, an no trus yoa God, Da One In Charge, da army fo da Aram king wen get away from you.

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Rome 1:31

Dey no like undastan notting. Dey make one promise but dey no keep um. Dey no mo love an aloha, an dey no give peopo chance notting.

Rome 3:8

Get some bad peopo dat stay talk bad bout us an tell peopo dat we talk lidis: “Eh, we go do bad kine stuff, so den eryting goin come good!” You know, God goin do da right ting wen he punish da peopo dat tink lidat!