1 Kings 14:10 - Hawaii Pidgin Bible

¹⁰ “ ‘Cuz you do all dat, dis wat I goin do. I goin punish all da Jeroboam ohana. I goin wipe out ery man from da Jeroboam ohana inside da Israel land. No matta dey slaves o dey not slaves. I goin burn up all da Jeroboam ohana peopo, jalike peopo burn up all da rubbish, till no mo nobody.

1 Kings 14:10 ပူးပေါင်းရင်းမြစ်များ

1 Kings 13:34

Cuz Jeroboam wen make lidis, him an his ohana get da blame fo do all kine bad stuff. Az why da Jeroboam ohana king guys wen come wipe out, an no mo his ohana inside dis world.

1 Kings 16:11

Wen Zimri take ova da throne fo come king, he go kill all da guys from da Baasha ohana, an even Baasha odda ohana guys an dea frenz.

1 Kings 16:3

So, I goin wipe out you an all yoa ohana, King Baasha. I goin make yoa ohana come jalike da ohana dat come from Jeroboam, Nebat boy, all pau.

1 Kings 21:21

An now, Da One In Charge tell, ‘Dis me, da one dat goin punish you! I goin cut off all da peopo dat goin come from you. I goin wipe out all dem from da Israel peopo dat get yoa blood, no matta dey one slave o not one slave.

2 Kings 14:26

Da One In Charge wen see how erybody inside Israel stay suffa plenny, no matta dey slave guys o not slave guys. No mo nobody dea fo help dem.

2 Kings 21:13

I goin make Jerusalem town come da same way I wen do fo da Samaria town wen I wipe um out. Jalike I goin use da same rope fo measure da two towns. I goin pull da same string fo find out if da Jerusalem peopo stay strait. Dis da same string I wen use da time I wen wipe out da Ahab ohana. But I goin wipe da Jerusalem peopo fo make um clean, jalike somebody wipe one dish an put um upside down fo dry um.

2 Kings 9:37

Her mahke body goin come dog doodoo on top da groun Jezreel side, so nobody goin know az Jezebel.”

Job 20:7

Dey goin come wipe out foeva, jalike da doodoo dey make. Da peopo dat see dem befo time goin tell, ‘Wea dey stay?’

Songs 83:10

Da time oua peopo Wen wipe dem out nea Endor, An da mahke bodies wen rot An come jalike manua Fo da groun ova dea.

Isaiah 14:19

But you guys, wen you mahke, Da peopo throw you out on top da groun An no let you lay inside yoa grave, Jalike somebody cut off one branch dat make da tree come sick An throw um outside. Da odda guys dey wen kill wit swords, same time, Dey go all da way down to da stone inside da Big Black Hole, Dea mahke bodies lay dea on top you, Jalike da body az one blanket fo you.

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Jeremiah 32:18

You stay tight wit uku tousan generation a yoa peopo. But wen you pay back peopo fo da bad kine stuff dey wen do, even dea kids get hurt too. You da God dat stay awesome an get plenny powa. Da peopo dat know wat kine god you, dey call you Da One In Charge, da God Ova All Da Armies.

Jeremiah 8:2

Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.

Ezekiel 26:4

All dose odda peopos goin bus up da wall aroun Tyre town an pull down da towas. I goin hemo all da bus up stuff an even da dirt from on top da islan, an make um come one big shiny rock, so no goin be one town no moa!

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Zefaniah 1:17

Me, Da One In Charge, I goin make da peopo come bum out. Dey goin walk jalike dey no can see notting, Cuz dey wen do bad tings agains me, Da One In Charge. Dea blood goin pour out jalike watta. Dea guts goin come out jalike doodoo.

Malakai 2:3

Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.

Rules Secon Time 32:36

Da One In Charge goin be da judge Dat goin tell his peopo dey no mo da blame. He goin show love an pity fo his worka guys Wen he see dat dey no mo powa An no mo da Israel guys dea, No matta dey slave guys o not slave guys.

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!

1 Samuel 25:22

So dis my plan fo kill da buggahs! An if get even one a his guys dat still stay alive morning time, den I like God make real bad to me, David, jalike I aks God fo make to da guys dat stay agains me!”

1 Samuel 25:34

I stay shua dat Da One In Charge, da God fo da Israel peopo, stay alive. An same ting, I stay shua dat he da One wen stop me, so I neva hurt you. But if you neva come quick fo meet me, fo shua no men guys from all Nabal guys wen stay alive wen da sun come up one mo time!”