1 Kings 12:9 - Hawaii Pidgin Bible

⁹ Rehoboam aks um, “Wat you guys tink I gotta do? Wat us guys goin tell dis peopo? Cuz dey stay tell me, ‘Try make da work we gotta do fo you mo easy! No give us da same heavy yoke yoa faddah wen put on top us!’ ”

1 Kings 12:9 ပူးပေါင်းရင်းမြစ်များ

1 Kings 12:10

Da young guys dat grow up wit Rehoboam tell um, “Dose peopo dat tell you, ‘Yoa faddah, he wen make us jalike cows an put heavy yoke on top us fo make us bus ass. But us like you fo make da work we gotta do fo you mo easy!’—go tell dem, ‘Yeah, my faddah wen make you guys jalike cows an put heavy yoke on top you fo make you bus ass. But you know wat?! I goin make da yoke mo heavy den dat! Jalike you goin tink my small finga, mo big den my faddah wais! My faddah wen whip you guys wit one regula kine whip, but I goin whip you guys wit scorpions!’ Dass wat we gotta tell um.”

1 Kings 12:8

But Rehoboam no lissen wat da older leada guys tell um fo do. He go talk to da young guys dat grow up wit him an dat stay by him.

2 Records 10:9

He tell um, “Wat you guys tink az good fo me tell dese peopo? Dey tell me, ‘Yoa faddah guy wen make all us guys bus ass, jalike he wen put one heavy yoke on top us guys. But now, try make oua work mo easy den yoa faddah make um fo us!’ ”