1 Kings 12:8 - Hawaii Pidgin Bible

⁸ But Rehoboam no lissen wat da older leada guys tell um fo do. He go talk to da young guys dat grow up wit him an dat stay by him.

1 Kings 12:8 ပူးပေါင်းရင်းမြစ်များ

1 Kings 12:7

Dey tell um, “If you can be one worka guy dat help dis peopo today, an work fo dem, an be up an up wit dem, dey goin stay work fo you all da time.”

1 Kings 12:9

Rehoboam aks um, “Wat you guys tink I gotta do? Wat us guys goin tell dis peopo? Cuz dey stay tell me, ‘Try make da work we gotta do fo you mo easy! No give us da same heavy yoke yoa faddah wen put on top us!’ ”

2 Records 10:8

But Rehoboam no like lissen wat da older leadas tell um az good fo him do. He go talk wit da young guys dat wen grow up wit him an now dey work fo him. He aks dem bout wass good fo him do.

Smart Guys 1:25

I wen tell you guys wass good fo you An you foget awready. I wen tell you fo real kine wass wrong, An you guys neva like dat.

Smart Guys 1:30

Dey no lissen da tings I tell um. Weneva I tell um ‘Az bad, wat you wen do,’ Dey tell az ony junk wat I tell dem.

Smart Guys 19:20

Lissen up wen peopo tell you Wass good fo you do. An lissen wen dey tell you How fo do da right ting, Cuz If you do dat, den bumbye You goin know wat fo do erytime.

Smart Guys 25:12

Wen one guy dat know wat fo do erytime Tell you dat someting you wen do, no good, An you ready fo lissen, Az real good, Jalike one gold earring O one necklace wit da bestes kine gold.