1 Kings 12:30 - Hawaii Pidgin Bible

³⁰ Cuz Jeroboam wen do dis, make plenny peopo do wat dey not suppose to do. Dey even wen go all da way Dan side fo pray to da idol kine god ova dea.

1 Kings 12:30 ပူးပေါင်းရင်းမြစ်များ

1 Kings 13:34

Cuz Jeroboam wen make lidis, him an his ohana get da blame fo do all kine bad stuff. Az why da Jeroboam ohana king guys wen come wipe out, an no mo his ohana inside dis world.

1 Kings 14:16

Da One In Charge goin give up on da Israel peopo, cuz a all da bad kine stuff Jeroboam wen do, an cuz Jeroboam wen make da Israel peopo do bad kine stuff too!”

1 Kings 16:27

Odda stuff wen happen wen Omri stay king, an all da tings he wen do an all da powa he get stay inside da Record Book Fo Da Israel Kings.

1 Kings 21:22

You know wat I wen do to da ohana dat come from Jeroboam Nebat boy. Kay den, I goin make da same ting happen fo yoa ohana! An dass da same ting I wen do to da ohana dat come from Baasha Ahijah boy too. Az cuz you wen piss me off, an you wen make da Israel peopo do real bad kine stuff.’

2 Kings 10:31

But Jehu neva go do all wat da rules tell, dat Da One In Charge, da God fo da Israel peopo, wen give um. He neva tell “Laytas” to da bad kine stuff dat Jeroboam wen do, an dat Jeroboam wen make da Israel peopo do.

2 Kings 17:21

Befo time, da Israel peopo north side get dea king guys from da David ohana. But Da One In Charge wen cut off da Israel peopo from da David ohana. So den dey make Jeroboam, Nebat boy, dea king. An Jeroboam wen make da Israel peopo no stay tight wit Da One In Charge, an make dem do plenny real bad kine stuff.

2 Records 17:4

but aks da God his faddah wen pray to, bout wat goin happen. He do wat God tell um fo do, an no make jalike da Israel peopo.

Isaiah 31:7

Cuz wen you go back, all you guys goin go agains da idol kine gods dat you guys wen make outa silva an gold. Az was bad, you wen do dat!

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”