1 Kings 12:20 - Hawaii Pidgin Bible

²⁰ Wen all da odda Israel peopo find out dat Jeroboam come back from Egypt, dey sen somebody fo tell um, “Go come meet wit us!” Dey make him da king fo all da Israel peopo. Da Judah ohana was da ony ones dat stay tight wit da David kine king guys.

1 Kings 12:20 ပူးပေါင်းရင်းမြစ်များ

2 Samuel 20:2

So all da guys from da Israel ohanas north side, dey bag from David an go wit Sheba, Bikri boy. But da Judah guys stay tight wit dea king, all da way from da Jordan Riva to Jerusalem.

1 Kings 11:13

Still yet, I no goin take away all da rights fo yoa boy be king. I goin give him jus yoa ohana an anodda ohana fo be dea king too, cuz David wen work fo me, an I awready pick Jerusalem town fo be mines.”

1 Kings 11:26

Jeroboam, Nebat boy, he go agains King Solomon too. Befo time, Jeroboam work fo Solomon. He from da Efraim ohana an live Zeredah side. His muddah, one widow Zeruah.

1 Kings 11:32

Cuz I get respeck fo my worka guy David, an fo Jerusalem town, da place I wen pick from all da Israel ohana land, get one ohana goin stay wit da David ohana.

1 Kings 11:35

“ ‘But from Solomon boy, I goin take away da right fo him be king. I goin give you da right fo come king fo ten a da ohanas.

1 Kings 11:36

I jus goin leave da Judah ohana an anodda ohana fo Solomon boy. Cuz I like fo my worka guy David erytime get one guy dat come from him, Jerusalem side, fo show my peopo wea fo go, jalike one olive oil lamp dat goin burn in front me foeva. Az cuz I wen pick Jerusalem town fo be da place wea erybody can find out wat kine god me.

1 Kings 11:37

An fo you, I goin take you an make you da king fo be in charge eryting you eva like get. You goin be da king ova da Israel peopo.

1 Kings 12:17

Cuz a dis, Rehoboam ony stay da king fo da Israel peopo dat live inside da Judah towns.

2 Kings 17:21

Befo time, da Israel peopo north side get dea king guys from da David ohana. But Da One In Charge wen cut off da Israel peopo from da David ohana. So den dey make Jeroboam, Nebat boy, dea king. An Jeroboam wen make da Israel peopo no stay tight wit Da One In Charge, an make dem do plenny real bad kine stuff.

Hosea 11:12

Da Efraim peopo stay bulai me all da time. Az da Israel peopo, an da way dey ack, I no trus dem. But da Judah peopo still hang out wit me, God, no matta wea dey go! Dey stay good wit me, Da One dat stay good an spesho,

Hosea 8:4

Dey pick dea kings, but az not da ones I pick. Dey pick princes, but az da ones I no like. Dey make dea idol kine gods from da silva an gold dey own, But da ones dat make um ony goin get wipe out.

1 Samuel 10:24

Samuel tell all da peopo, “You guys see dat guy dat Da One In Charge wen pick? From all da peopo, no mo nobody jalike him!” Den da peopo yell, “Yeah! Us like da king stay alive long time!”