1 Kings 12:16 - Hawaii Pidgin Bible

¹⁶ Wen all da Israel peopo see dat King Rehoboam no stay lissen dem, dey talk back to him. Dey tell um, “Eh! You king guys from da David ohana, You worth notting to us! Us no get notting from da Jesse ohana! Us Israel guys, we goin get outa hea! You David ohana guys Take kea yoa peopo, No bodda us!” So da Israel guys go home.

1 Kings 12:16 ပူးပေါင်းရင်းမြစ်များ

2 Samuel 15:13

One messenja guy come an tell David, “Da Israel guys wen change dea mind, an now dey like Absalom mo betta den you!”

2 Samuel 16:11

Den David tell Abishai, an all his leada guys, “You guys know my boy dat come from my blood an bones, he stay try fo kill me, aah? Dass way mo den dis Benjamin ohana guy like kill me, you know! Let um go an let um yell fo God put kahuna on top me David cuz Da One In Charge wen tell him fo do dat.

2 Samuel 20:1

An right dea Gilgal side, had one good fo notting buggah. His name Sheba, Bikri boy, from da Benjamin ohana. He go blow da sheep horn trumpet fo call da peopo togedda, an he yell, “Eh, you Israel guys! Go home! Oua land, not part a David land! Us no goin get notting from David, Jesse boy!”

1 Kings 11:11

Az why Da One In Charge tell Solomon: “Cuz a all dis stuff you stay do, you no keep yoa side a da deal! You no do da tings I wen tell you dat you gotta do. Cuz a dat, dis wat I goin do. Fo shua I goin take away da right fo you be da king. I goin give one a da guys dat work fo you da right fo come da king.

1 Kings 11:13

Still yet, I no goin take away all da rights fo yoa boy be king. I goin give him jus yoa ohana an anodda ohana fo be dea king too, cuz David wen work fo me, an I awready pick Jerusalem town fo be mines.”

1 Kings 11:34

“ ‘But I no goin take away all da rights Solomon get fo be king. I wen make him one king awready, fo all da time he stay alive. I goin let um stay king, cuz a his faddah David. I wen pick David, da guy dat do eryting I tell um he gotta do. An he wen stick wit my rules.

1 Kings 11:35

“ ‘But from Solomon boy, I goin take away da right fo him be king. I goin give you da right fo come king fo ten a da ohanas.

1 Kings 11:36

I jus goin leave da Judah ohana an anodda ohana fo Solomon boy. Cuz I like fo my worka guy David erytime get one guy dat come from him, Jerusalem side, fo show my peopo wea fo go, jalike one olive oil lamp dat goin burn in front me foeva. Az cuz I wen pick Jerusalem town fo be da place wea erybody can find out wat kine god me.

1 Kings 11:39

I goin make da ohana dat come from David come shame cuz a wat Solomon stay do, but dey no goin come shame foeva.’ ”

1 Kings 22:17

Den Mikaiah tell, “I see, jalike was one dream, All da Israel guys running all ova da hills, Jalike sheeps dat no mo sheep guy fo take kea dem. Da One In Charge tell me, ‘All dis guys, no mo boss fo dem. Let um all go home, An let eryting come good fo dem.’ ”

1 Kings 22:36

Wen da sun almos go down, da Israel army guys all start fo yell, “Erybody go back yoa town! Erybody go back yoa land!”

2 Records 10:16

Wen all da Israel peopo see dat da king no lissen dem, dey goin change dea mind an go agains him. Dey goin tell um: “Us guys no goin share oua land wit da David ohana! Jesse boy no own us guys! Us Israel peopo, us goin go back oua place now! You David ohana peopo, you gotta take kea a you!” So all da Israel peopo go home.

Songs 132:17

Inside Jerusalem, I goin make one guy come king Dat get plenny powa. He goin come From King David ohana. He da One I pick awready, An I goin make shua He stay king long time, Jalike one lamp dat stay on foeva.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Isaiah 7:17

Da One In Charge, Da Boss, goin make you, an yoa peopo, an yoa faddah guy ohana, suffa plenny, mo plenny den you guys eva suffa befo, from da time wen da Israel peopo dig out from da Judah peopo. He goin bring da king from Assyria fo make you suffa!”

Isaiah 7:2

Somebody tell da David ohana guys Judah side, “Da Aram army guys wen go by da Efraim ohana land inside Israel an stay make camp all ova da place wit da Israel guys.” So Ahaz an his peopo, dey come real sked inside. Dey stay shake jalike how da trees shake inside one fores wen da wind blow um.

Jeremiah 33:21

An same ting, no can broke da deal I wen make wit my worka guy David, an no can broke da deal I wen make wit da Levi guys dat stay pries guys an work in front me too. An no can change da promise I wen make to David, dat he erytime goin get one boy dat come from him fo stay king on top his throne!

Ezekiel 37:16

“Eh! Fo Real Kine Guy! Take one stick an write on top um, ‘Dis stick fo da Judah ohana, an fo da Israel ohanas dat stay tight wit da Judah ohana.’ Den take anodda stick an write on top um, ‘Dis stick fo da Joseph ohana, dass da Efraim ohana, an all da Israel ohanas dat stay tight wit da Efraim ohana.’

Mark 3:24

Da ohana dat go agains each odda no can stay strong. Da country dat go agains each odda ony bus up dea country.

Luke 19:14

But da peopo hate da alii guy, an dey sen guys to da odda place fo tell, ‘We no like dis guy fo come oua king.’

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

John 13:8

Peter tell him, “No way you eva goin wash my feets!” Jesus tell him, “If I no wash you, den you no can be my guy.”

Local Leadas 8:35

An dey no stay tight wit da Jerub-Baal ohana (az da Gideon ohana) fo all da good kine stuff he wen do fo da Israel peopo.

Local Leadas 9:28

Den Gaal, Eved boy, tell, “Who dis buggah Abimelek?! An why us Shekem guys goin let him stay in charge a us guys, aah? Dis Abimelek guy, he Jerub-Baal boy, aah? An Zebul his helpa. But you guys suppose to work fo Hamor, dat was Shekem faddah long time befo time. So! How come us guys gotta work fo Abimelek?! No need!