1 Kings 12:13 - Hawaii Pidgin Bible

¹³ Da king talk real harsh to da peopo. He no lissen wat da older leadas tell um az good fo do.

1 Kings 12:13 ပူးပေါင်းရင်းမြစ်များ

Start 16:6

Abram tell Sarai, “Eh! You da one own her, not me! Go do wateva you like, den.” From dat time, Sarai make any kine to Hagar, an Hagar run away from Sarai.

Start 42:30

“Get dis guy ova dea, he da one in charge a da land. He talk mean to us, an he make to us jalike us guys spies dat check out da land ova dea.

Start 42:7

Joseph see his braddah guys, an he know who dem real fas. But he neva let dem know who him. He talk rough, an tell um, “Eh! Wea you guys come from?” Dey tell, “Us come from Canaan side fo buy food.”

2 Samuel 19:43

Den da Israel guys tell da Judah guys, “Us guys get ten ohanas in dis country, so we get ten times mo rights to da king den you guys get wit da one ohana. Az why David mo da king fo us den fo you guys. So, how come you make to us jalike us nobody? Fo shua, us guys was da firs one fo tell dat we gotta bring David back fo be oua king.” So dey stay make mo argue lidat. But da Judah guys wen talk even mo tough den da Israel guys.

1 Kings 12:12

Day numba three, Jeroboam an all da odda peopo come back by King Rehoboam, jalike he wen tell um fo do.

1 Kings 12:14

He talk to dem da way da young guys wen tell um fo talk. He tell, “My faddah wen put jalike one heavy yoke, da kine dey use fo da cow, on top you guys fo make you bus ass. Me, I goin make da yoke mo heavy den dat! My faddah wen whip you guys wit one regula kine whip, an I goin whip you guys wit scorpions!”

Outa Egypt 10:28

Da Pharaoh guy tell Moses, “Get outa hea! Make shua you no come back fo see me no moa! Cuz da nex time you see me, you goin mahke!”

Outa Egypt 5:2

Da Pharaoh guy tell, “Wot! Who you talking bout, wen you tell ‘Da One In Charge,’ aah? You tink I suppose to lissen wat he tell me, fo me let da Israel peopo go? I donno Da One In Charge guy! An no way I goin let go da Israel peopo!”

Smart Guys 10:11

Wen you lissen da guys dat stay do wass right, You goin get real kine life from dat. But da kine guys dat like do bad stuff, Dey make all nice kine wen dey talk, Fo you no tink dey like bus you up.

Smart Guys 10:32

Da peopo dat do da right tings, Dey know wat kine words good fo help peopo. But da peopo dat do bad kine stuff, Dey talk sly kine, dey ony know how fo bulai.

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Smart Guys 18:23

Da guy dat no mo notting, Tell da rich guy fo help him, But da rich guy mout off To da guy dat no mo notting.

Teacha 10:12

Da guy dat know wat fo do erytime talk good kine, But da stupid guy mout make him come wipe out.

Teacha 2:19

An who goin know if dat guy know wat fo do erytime, o if he one stupid kine guy? All dis no matta fo shua cuz da guy goin stay in charge a all da tings dat I work real hard fo, an all da tings I learn how fo do unda da sun.” Dis no make sense too.

James 3:17

But da peopo dat get da kine smarts from God in da sky, main ting, dea spirit stay all clean inside. An notting bodda dem. Dey make good to erybody an make frenz wit erybody. Dey get pity fo you an give you chance. Erytime dey make good tings happen. Dey no make good ony to dea frenz. Dey ony tell wat dey mean an no ack.

1 Samuel 20:10

David tell, “Who goin tell me if yoa faddah talk mean kine stuff to you?”