1 Kings 11:9 - Hawaii Pidgin Bible

⁹ Da One In Charge come huhu with Solomon, cuz he let his wifes turn him away from Da One In Charge. He no stay tight wit da God fo da Israel peopo, no matta God wen let Solomon see him two time.

1 Kings 11:9 ပူးပေါင်းရင်းမြစ်များ

2 Samuel 11:27

Afta da time fo cry fo Uriah pau, David tell his guys fo bring her to his palace, an she come his wife. She born one boy fo him. But da way Da One In Charge see um, da ting David wen do was wrong.

2 Samuel 6:7

Den Da One In Charge come real huhu wit Uzzah cuz he touch da kapu Box. Az why Da One In Charge wack Uzzah. An Uzzah mahke right den an dea by da side a da Box.

1 Kings 11:8

He wen do da same ting fo all da odda wifes he get from odda places, fo dem burn incense an make sacrifice fo dea gods.

1 Kings 3:5

Wen King Solomon stay Gibeon side, Da One In Charge show up fo Solomon see um inside one dream, one nite wen Solomon stay sleep. God tell um, “Wateva you like me give you, you aks me.”

1 Kings 9:2

Den Da One In Charge let Solomon see him one mo time, jalike wen he let Solomon see him da firs time, Gibeon side.

1 Records 21:7

An da way God see wat David tell Joab fo do, he tell az real bad too. So God punish da Israel guys.

Outa Egypt 4:14

Den Da One In Charge come huhu wit Moses. He tell Moses, “Wat bout yoa braddah guy Aaron, da leada guy fo da Levi ohana? I know easy fo him fo talk good. Right now he stay come from Egypt awready fo meet you. Wen he see you, he goin feel real good inside.

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Hosea 4:11

wit odda gods. “Dey drink da ol wine an da new wine. Az why my peopo no undastan notting. My peopo aks da idol kine gods dey make from wood Bout wass good fo dem do! Dey tink one stick can tell um Wat goin happen bumbye! Inside, dey ony like fool aroun wit odda gods. Dat make um no lissen me, dea God fo real kine.

Census 12:9

Da One In Charge come real huhu wit Aaron an Miriam, an go way from dem.

Rules Secon Time 3:26

“But cuz a you guys, Da One In Charge come real huhu wit me, an no like lissen me. He tell, ‘Az enuff awready! No talk to me no mo bout dat!

Rules Secon Time 7:4

Az cuz if you do dat, bumbye dose peopos goin make yoa kids no stay tight wit me, Da One In Charge, an yoa kids goin come tight wit odda gods an goin go work fo um. An if you do dat, I goin come real huhu wit you guys, an I goin wipe out you guys real fas.

Rules Secon Time 9:20

Same time, Da One In Charge stay real plenny huhu wit Aaron, an he like wipe him out. But dat time I pray fo Aaron too.

Rules Secon Time 9:8

Mount Sinai side, you guys wen make him come real plenny huhu an he wen stay ready fo wipe out you guys.

2 Timoty 4:10

Demas, he wen bag an leave me hea, cuz he wen tink all da stuff inside dis world nowdays mo betta. He wen go Tessalonika side. Cresens, he wen go Galatia side, an Titus, Dalmatia side.

1 Samuel 15:11

“I stay sorry dat I wen make Saul come da king, cuz he make deaf ear an he no stay tight wit me no moa, an he no do no mo all da stuff I wen tell him fo do.” Wat Da One In Charge tell, bodda Samuel so plenny dat he pray all nite to Da One In Charge fo help.