1 Kings 11:15 - Hawaii Pidgin Bible

¹⁵ Dis da story, how was fo Hadad. Befo time wen David stay fight da Edom peopo, his main army guy Joab wen go Edom side fo bury da Israel army guys dat da Edom guys wen kill. But wen Joab stay dea, he kill ery man dat live Edom side.

1 Kings 11:15 ပူးပေါင်းရင်းမြစ်များ

Start 25:23

Da One In Charge tell her, “Get two peopos inside you. Two diffren ohanas goin come from you, An dey goin stay agains each odda erytime. One peopo goin be mo strong den da odda peopo. Da older braddah ohana goin work fo da younga braddah ohana.”

Start 27:40

But you goin need one sword fo fight fo you stay alive, An you goin work fo yoa braddah. Afta, you goin like get outa dea An you goin run way from yoa braddah Fo him no tell you wat you gotta do no moa.”

2 Samuel 8:13

Wen David come back afta he win ova 18,000 Edom guys inside da Salt Valley, den erybody know bout David.

2 Samuel 8:14

David put army guys all ova da Edom land. An all da Edom peopo come slaves fo David. Da One In Charge help David guys fo win, ery place dey go.

1 Kings 11:14

Den Da One In Charge set up one guy fo throw off Solomon. Dis guy was Hadad, from da king ohana Edom side.

1 Kings 11:16

Joab an all da odda Israel army guys stay inside Edom fo six month, till all da Edom guys mahke.

Songs 108:10

So! Who goin take me to da Edom land? Who goin show me da way fo go Dea big town dat get strong wall?

Songs 60:1

Bummahs, God! You no give a rip fo us, o wat?! You wen dump all us guys! You wen let da odda army guys Smash thru oua line! You wen stay huhu wit us! Now, we like you make us Come okay one mo time!

Census 31:17

So now, go kill all da boys, an kill ery wahine dat wen sleep wit one guy!

Census 31:7

Dey fight da Midian guys, jalike Da One In Charge wen tell Moses fo do, an dey kill all da Midian army guys.

Rules Secon Time 20:13

Wen yoa God, Da One In Charge, give dem to you guys, kill all da guys ova dea wit swords.