1 Kings 11:14 - Hawaii Pidgin Bible

¹⁴ Den Da One In Charge set up one guy fo throw off Solomon. Dis guy was Hadad, from da king ohana Edom side.

1 Kings 11:14 ပူးပေါင်းရင်းမြစ်များ

2 Samuel 24:1

Anodda time, Da One In Charge come huhu wit da Israel peopo. So den he make David stay agains dem too. Da One In Charge tell, “Go count da Israel an Judah guys.”

2 Samuel 7:14

I goin come jalike da faddah fo him, an he goin come jalike my boy. Weneva he jam up, I goin punish him, jalike any faddah guy punish his boy fo teach um.

1 Kings 11:13

Still yet, I no goin take away all da rights fo yoa boy be king. I goin give him jus yoa ohana an anodda ohana fo be dea king too, cuz David wen work fo me, an I awready pick Jerusalem town fo be mines.”

1 Kings 11:15

Dis da story, how was fo Hadad. Befo time wen David stay fight da Edom peopo, his main army guy Joab wen go Edom side fo bury da Israel army guys dat da Edom guys wen kill. But wen Joab stay dea, he kill ery man dat live Edom side.

1 Kings 11:23

An God wen get anodda guy Rezon, Eliada boy, fo make pilikia fo Solomon too. Befo time, Rezon work fo Hadadezer, da king fo Zobah, but den he run away from Hadadezer.

1 Kings 12:15

An dass how was. Da king no lissen da peopo. But was Da One In Charge wen make um happen lidat. Cuz az da ting Da One In Charge wen tell Ahijah da Shiloh guy fo tell Jeroboam, Nebat boy, long time befoa.

1 Records 5:26

So da God fo Israel make Pul, da king fo Assyria (az Tiglat-Pileser) catch da Reuben peopo, da Gad peopo, an half da Manasseh peopo, an make dem prisonas. He bring dem Halah, Habor, Hara, an da Gozan Riva side, an dey stay ova dea till today.

Isaiah 10:26

Dat time, Da One In Charge, Da God Ova All Da Armies, Goin bring somebody fo wack da Assyria guys wit one whip, Jalike befo time, wen he let Gideon win Ova da Midian guys at da Oreb Rock. Jalike da time da peopo come outa Egypt, An Moses hold out da stick fo walk Ova da Red Sea.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 13:17

“But you know wat I goin do?! I goin make da Mede peopo go agains da Babylon guys. Da Mede guys, dey ony like win. You give um silva kine stuff, but dey no kea fo dat. You give um gold, but dat no make dem stay good inside.

Census 24:18

He goin take ova da Edom peopo. Even da guys from Seir dat hate him, He goin take ova dem. But da Israel peopo goin come mo strong.

1 Samuel 26:19

Now, you da king, an you my boss. Az why I like you fo lissen wat I goin tell you. If Da One In Charge da One stay make you come agains me, den I goin make one sacrifice fo Da One In Charge, fo him smell um an know eryting stay good wit me an him, an den he no stay agains me no moa. But if all dis huhu jus come from peopo, I like Da One In Charge make shua dose buggahs get kahuna on top dem! Cuz wat get right now, is dis—dey wen throw me outa my land. Az why now, I no mo da right fo own my share dat Da One In Charge was suppose to give me! Jalike dey stay tell me, ‘Go way! Beat it! Go by da odda peopos an pray to dea gods, not oua God!’