1 Kings 11:13 - Hawaii Pidgin Bible

¹³ Still yet, I no goin take away all da rights fo yoa boy be king. I goin give him jus yoa ohana an anodda ohana fo be dea king too, cuz David wen work fo me, an I awready pick Jerusalem town fo be mines.”

1 Kings 11:13 ပူးပေါင်းရင်းမြစ်များ

1 Kings 11:14

Den Da One In Charge set up one guy fo throw off Solomon. Dis guy was Hadad, from da king ohana Edom side.

1 Kings 11:32

Cuz I get respeck fo my worka guy David, an fo Jerusalem town, da place I wen pick from all da Israel ohana land, get one ohana goin stay wit da David ohana.

1 Kings 11:39

I goin make da ohana dat come from David come shame cuz a wat Solomon stay do, but dey no goin come shame foeva.’ ”

1 Kings 12:17

Cuz a dis, Rehoboam ony stay da king fo da Israel peopo dat live inside da Judah towns.

1 Kings 12:19

Az why still yet today, all da Israel peopo stay fight da David ohana, an no let um come dea king.

1 Kings 12:20

Wen all da odda Israel peopo find out dat Jeroboam come back from Egypt, dey sen somebody fo tell um, “Go come meet wit us!” Dey make him da king fo all da Israel peopo. Da Judah ohana was da ony ones dat stay tight wit da David kine king guys.

1 Kings 8:29

I like fo you stay watch dis Temple Day time an nite time. Dis da place, you wen tell, ‘Dass wea peopo goin know Wat kine god me.’ Az why I like fo you hear wen I pray to you, Looking at dis Temple.

2 Kings 13:23

But Da One In Charge get one good heart fo da Israel peopo, an pity dem, an give dem chance, cuz a da deal he wen make wit Abraham, Isaac, an Jacob. Even till now Da One In Charge no like wipe um out o chase um away from wea he stay.

2 Kings 17:18

So Da One In Charge come real huhu wit da Israel peopo, an cut dem off from him. Ony da Judah ohana he wen keep!

2 Kings 19:34

“An he tell dis too: “ ‘I goin fight fo dis big town, An get da peopo dea outa trouble Cuz a who me, an fo David my worka guy.’ ”

2 Kings 21:4

Manasseh build altars dea fo da odda gods, inside da Temple Fo Da One In Charge. Dis da place wea Da One In Charge wen tell, “Jerusalem goin be da place I set up, so peopo can know wat kine god me.”

2 Kings 23:27

Az why Da One In Charge tell, “I goin take away da Judah peopo from in front me, jalike I take away da Israel peopo awready. I goin throw out dis Jerusalem peopo. No matta I wen pick dis town an dis Temple. No matta I wen tell, ‘Dis Temple goin be da place wea peopo can find out who me!’ ”

2 Kings 8:19

But cuz Jehoram ancesta guy King David wen work fo Da Boss, Da One In Charge no like wipe out all da Judah peopo. Da One In Charge make one promise befo time, fo let guys dat come from David blood be kings foeva, jalike dey one light fo show peopo da way fo go.

2 Records 21:7

But cuz Da One In Charge wen make one deal wit David, Da One In Charge no like wipe out da David ohana. Da One In Charge wen make one promise fo make David ohana stay alive foeva, jalike one olive oil lamp dat no pio.

Songs 132:1

Eh! Da One In Charge, No foget King David An how he wen suffa plenny.

Songs 132:17

Inside Jerusalem, I goin make one guy come king Dat get plenny powa. He goin come From King David ohana. He da One I pick awready, An I goin make shua He stay king long time, Jalike one lamp dat stay on foeva.

Songs 89:49

Eh my Boss! Befo time You wen stay plenny tight Wit yoa peopo! You wen make one strong promise To King David, An you erytime do Wat you tell you goin do. But dass not how stay now!

Isaiah 14:32

Wen da messenja guys from dat army aks you If you guys goin give up, Tell um, “No way! Was Da One In Charge Dat put his big town Jerusalem hea. Fo da peopo dat need help, Dey can go inside Jerusalem An nobody goin hurt um dea.”

Isaiah 62:1

Fo help God peopo on top Mount Zion, I no goin hold back an no talk! Fo help da Jerusalem peopo, I no goin stay quiet, Till erybody can see Dat God peopo get um right wit him, Jalike wen da sun come up morning time, An erybody can see Dat God get his peopo outa trouble. Jalike one torch dat stay burn nite time,

Isaiah 62:7

No let Da One In Charge res, Till he make Jerusalem solid, An make all da peopo on top da earth talk good bout him.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Rules Secon Time 12:11

Da place yoa God, Da One In Charge, goin pick fo his name stay dea—dass da place you guys goin bring eryting I tell you fo bring, da burn up kine sacrifices an odda animal sacrifices, yoa ten percent presents, an spesho presents, an all da spesho stuff you wen promise fo give me, Da One In Charge.

Rules Secon Time 12:5

“But you guys gotta find da place yoa God, Da One In Charge, goin pick from all da place wea yoa ohana peopo goin live. He goin put his name dea an stay dea, an you goin go dea fo show love an respeck fo him.

Rules Secon Time 9:5

Az not cuz you guys do wass right erytime, o cuz you tink da right way. You guys goin take ova dea land, cuz dese odda peopos stay do real bad kine stuff. Az why oua God, Da One In Charge, goin take ova dea land wen you attack, fo him do wat he wen make one strong promise to yoa ancesta guys fo do, to Abraham, Isaac, an Jacob.