1 Kings 11:1 - Hawaii Pidgin Bible

¹ King Solomon wen love plenny wahines from odda places an like marry dem. He love Pharaoh daughtah—an wahines from da Moab peopo, da Ammon peopo, da Edom peopo, da Sidon peopo, an da Het peopo too.

1 Kings 11:1 ပူးပေါင်းရင်းမြစ်များ

1 Kings 11:8

He wen do da same ting fo all da odda wifes he get from odda places, fo dem burn incense an make sacrifice fo dea gods.

1 Kings 14:21

Ova dea Judah side, Solomon boy Rehoboam stay king dat time. Wen he 41 year ol, he come king, an he stay king 17 year Jerusalem side. (Rehoboam muddah name Naamah, from da Ammon peopo.) Jerusalem, az da big town Da One In Charge wen pick from all da Israel ohanas fo build da Temple fo da peopo come dea fo find out wat kine god him.

1 Kings 14:31

Den Rehoboam mahke jalike his ancesta guys. Dey bury him wit dem inside David Town, az Jerusalem. (Rehoboam muddah name was Naamah, from da Ammon peopo.) Den Rehoboam boy Abijam come da nex king.

1 Kings 16:31

Fo Ahab, az no big ting fo him do da same kine bad kine stuff jalike Jeroboam, Nebat boy. He wen marry Jezebel, her faddah Etbaal, da king fo da Sidon peopo. He wen start fo make da god Baal be his god, an go down an show um respeck.

1 Kings 3:1

King Solomon wen let da Pharaoh guy, da King fo Egypt, make one deal wit him. Fo set up da deal, Solomon wen take da Pharaoh guy daughtah an marry her. He bring her David Town, az Jerusalem. She stay inside Jerusalem long time, till King Solomon pau build his palace, an da Temple Fo Da One In Charge, an da wall aroun da town.

Ezra 10:44

All dese guys wen go marry wahines from da odda peopos dat donno God. Dey wen sen da wahines an dea kids back to dea peopo.

Ezra 9:1

Wen all dat pau, da leada guys come by me. Dey tell, “Da Israel peopo, prieses an Levi ohana guys an regula kine peopo, dey no ack jalike dey spesho fo God. Dey stay come jalike da odda peopos dat donno God, dat live inside dis land an odda lands. Oua peopo stay do da same pilau kine stuff jalike da Canaan peopo, da Het peopo, da Periz peopo, da Jebus peopo, da Ammon peopo, da Moab peopo, da Egypt peopo, an da Amor peopo.

Ezra 9:2

Oua guys take all da peopos daughtahs fo come dea wifes, an wifes fo dea boys. So now, da ohana dat stay spesho fo God come all hapa Jews wit da peopos from da odda places dat donno God. An da leada guys fo da Israel ohanas, dey da main ones dat stay go agains wat God trus um fo do!”

Outa Egypt 34:16

Den you goin make one deal wit dem fo yoa boys marry dea daughtahs. But dea daughtahs, dey goin go all out fo do stuff fo dea gods, jalike wen one guy like go all out fo fool aroun one hoa, an dey goin make yoa boys like do da same ting jalike dem fo dea wifes gods.

Smart Guys 2:16

“Wen you know wat fo do, You no goin fool aroun da wahines dat not yoa wife. Wen da kine wahines try talk nice kine to you, You no goin lissen.

Smart Guys 22:14

If you lissen da wahines Dat not yoa wife, Da ones like fool aroun wit you, Watch out! Her jalike one deep hole fo trap you. Wen Da One In Charge stay huhu wit somebody, He let da guy lissen dat kine wahines An fall inside dea trap.

Smart Guys 23:33

Inside yoa head, You see any kine stuff Dat you no can handle, An yoa head goin make you talk like you pupule.

Smart Guys 31:3

You strong, but no go wase yoa time fooling aroun wit da wahines, Da kine wahines dat can jam up king guys.

Smart Guys 6:24

I stay tell you all dis Fo make shua you stay away from bad kine wahines, An from any wahine dat not yoa wife, No matta dey talk nice kine to you.

Smart Guys 7:5

Den you goin stay away from da wahines dat not yoa wife. An you no goin lissen To some wahine dat not fo you, Wen she try talk nice kine to you.

Prieses 18:18

“No take yoa wife sistah fo come anodda wife fo you, cuz den dey goin fight. No make sex wit her wen yoa real wife still yet stay alive.

Rules Secon Time 17:17

Da king betta not get plenny wifes, cuz dey goin make him turn away from Da One In Charge. He betta not pile up plenny silva an gold.