1 Kings 10:4 - Hawaii Pidgin Bible

⁴ Da Queen fo da Sheba peopo see dat Solomon erytime know wat fo do. She see da palace he wen build,

1 Kings 10:4 ပူးပေါင်းရင်းမြစ်များ

1 Kings 10:3

Solomon tell her all da tings she aks him bout. Neva have notting hard fo da king tell her, fo make her undastan.

1 Kings 10:5

an da kine food on top his table, an da way his govmen guys sit aroun him, an da worka guys dat stan nea him wearing fancy kine robes, an da guys dat bring him wine. She see da burn up kine sacrifice he make inside da Temple Fo Da One In Charge. Wen blow her mind wen she see all dis.

1 Kings 3:28

All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

Teacha 12:9

Da Teacha, he know wat fo do erytime. An even moa, he teach da peopo bout wat he know an fo dem know um too. He tink bout um, an try find out even mo, an put togedda plenny stuff dat da smart guys tell.

Matthew 12:42

“Da queen from far away da south side goin stan in front God da Judge an show dat da peopo dat stay hea nowdays, dey stay do bad kine stuff. She wen come from far away fo lissen King Solomon an wat he tell cuz he know wat fo do erytime. But you guys neva lissen. But one guy mo importan den Solomon stay ova hea wit you guys now. Dass me.

Matthew 6:29

But I stay tell you, even King Solomon, wit all his awesome stuffs, he neva get awesome clotheses like da flowas.

Luke 12:27

Tink bout da flowas, how dey grow. Dey no work o make da clotheses dey wear. But I stay tell you, even King Solomon, wit all his awesome stuffs, neva get da kine awesome clotheses jalike da flowas.