1 Kings 10:15 - Hawaii Pidgin Bible

¹⁵ He get tax money too, from da guys dat buy stuff an sell um. All da kings from Arabia side, an all da govna guys in charge a Solomon land, dey pay him too.

1 Kings 10:15 ပူးပေါင်းရင်းမြစ်များ

1 Records 9:24

Get guard guys stay by da four sides a da Temple: east, west, north, an south.

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Isaiah 21:13

I get heavy kine stuff fo tell bout da boonies up country da east side from Judah: “You Dedan peopo, You get wagons fo carry stuffs fo sell, An you make camp nite time wea get plenny tree Inside da boonies up country.

Jeremiah 25:24

all da king guys fo Arabia, all da king guys fo da peopo from anodda place dat live inside da boonies,

Haggai 1:1

Was Augus 29, da numba two year wen Darius stay king. Da One In Charge tell Haggai, da guy dat talk fo him, fo talk to Zerubbabel, Shealtiel boy, da govna fo Judah, an to Joshua, Jehozadak boy, da Main Pries Guy.

Galatia 4:25

Da wahine Hagar, she jalike Mount Sinai, Arabia side, da Rules place. Dass jalike Jerusalem stay nowdays cuz da Jerusalem peopo all jalike slaves. Jalike slaves gotta do wat somebody tell um fo do, da Jerusalem peopo gotta do wat da Rules tell um fo do.