1 Kings 1:6 - Hawaii Pidgin Bible

⁶ From small kid time, weneva Adonijah do bad kine stuff, dat no bodda King David. King David neva aks “How come you stay do dat?!” Cuz David neva like make his boy feel bad. Adonijah one real good looking guy too. He da nex boy dat was born afta Absalom.

1 Kings 1:6 ပူးပေါင်းရင်းမြစ်များ

2 Samuel 14:25

Inside all da Israel land, no mo nobody da peopo talk good bout mo den Absalom, cuz he stay real good looking. From da top a his head to da bottom a his feets, no mo notting wrong wit him.

1 Kings 2:22

King Solomon tell his muddah, “Wot! How come you aks me fo let Abishag da Shunam wahine marry Adonijah?! Jalike you stay aks me fo make him da King! Cuz he my older braddah. O same ting jalike you aks me fo make Abiatar da Main Pries, an Joab Zeruiah boy da main army guy!”

1 Records 3:2

Da boy numba three was Absalom, Maakah boy. Maakah was Talmai girl, az Talmai da king fo Geshur. Da boy numba four was Adonijah, Haggit boy.

Smart Guys 22:15

Kids, dey like go all out fo do stupid kine stuff. Az why dey need one good wack Fo make shua dey learn da right way, An fo no tink fo do stupid kine stuff.

Smart Guys 29:15

Teach yoa kids da right way fo ack An use da paddle if dey need um. Den dey goin come da kine peopo Dat know wat fo do erytime. But if you no punish um fo teach um how fo ack, Dey goin make shame fo dea muddah.

1 Samuel 10:23

Da peopo run an bring Saul from ova dea. An wen he stan wit da peopo aroun him, he even mo tall den all da odda peopo, cuz dea head ony come up his shouldas!

1 Samuel 3:13

I tell Eli awready dat I da judge, an I goin punish his ohana foeva. He know dat da way his boys ack, dey give God one bad rep, but Eli neva tell um fo stop.

1 Samuel 9:2

Kish get one boy Saul. Saul, dass one good looking buggah, even mo good looking den all da odda Israel guys. He young, an eh! he real tall, mo den all da odda guys.