1 Kings 1:53 - Hawaii Pidgin Bible

⁵³ Den King Solomon sen one guy fo go get Adonijah down from da altar an bring um to da palace. Adonijah come, an he go down in front King Solomon fo show him respeck. Solomon tell um, “Go home.”

1 Kings 1:53 ပူးပေါင်းရင်းမြစ်များ

2 Samuel 1:2

Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

2 Samuel 14:24

But da king tell, “Dat one gotta go his place, an no can come in front me!” Az why Absalom go his place, an no go in front da king.

2 Samuel 14:28

Absalom live fo two year inside Jerusalem. But he neva go in front da king.

2 Samuel 14:33

So Joab go by da king, an tell him dat. Den da king sen guys fo bring Absalom to him. Absalom go down an put his face on top da groun in front da king fo show um respeck. An da king tell Absalom fo stan up, an he kiss him.

1 Kings 1:16

Batsheba go down on top da groun fo show respeck fo da King. Da King tell, “Wat you like?”

1 Kings 1:31

Batsheba go down an put her face on top da groun fo show respeck fo da King. Den she tell, “King David, you my boss! I like you live foeva!”

1 Kings 1:52

Solomon tell, “Go tell Adonijah, ‘If you come one guy I can trus, I no goin do notting fo make even one hair from yoa head fall on top da groun cuz a me. But if I hear anyting bad bout you, you goin mahke.’ ”

1 Kings 2:1

Wen almos time fo David mahke, he tell his boy Solomon wat fo do. He tell:

1 Kings 2:36

Den da King sen one guy fo tell Shimei fo come by him. Da King tell Shimei, “Go build one house fo you ova hea inside Jerusalem. But no go outside Jerusalem fo go anodda place.

Smart Guys 24:21

Eh my boy, stay sked a Da One In Charge An da king. But no hang out wit da kine govmen guys Dat ony like get mo an mo powa!