1 Kings 1:52 - Hawaii Pidgin Bible

⁵² Solomon tell, “Go tell Adonijah, ‘If you come one guy I can trus, I no goin do notting fo make even one hair from yoa head fall on top da groun cuz a me. But if I hear anyting bad bout you, you goin mahke.’ ”

1 Kings 1:52 ပူးပေါင်းရင်းမြစ်များ

2 Samuel 14:11

She tell, “Den I like you, da king, make one strong promise in front yoa God, Da One In Charge, bout da guy from oua ohana dat suppose to pay back da one dat wen kill my odda boy fo da ohana, so he no can cut out dis boy blood line too. Cuz he like wipe out my ony boy.” David tell, “Jalike fo shua Da One In Charge stay alive, I stay shua yoa boy no goin lose even one hair!”

1 Kings 1:51

Somebody tell Solomon, “Adonijah, he sked a you, King Solomon. An you know wat? Adonijah stay put his hands on top da horns dat stay stick outa da big altar, an he tell, ‘I like fo King Solomon make one strong promise to me, dat he no goin tell nobody fo kill me wit one sword. I goin be his worka guy!’ ”

1 Kings 1:53

Den King Solomon sen one guy fo go get Adonijah down from da altar an bring um to da palace. Adonijah come, an he go down in front King Solomon fo show him respeck. Solomon tell um, “Go home.”

Job 15:22

Da bad kine guys stay shua dey no can come back outa da dark place. Dey stay shua da war goin get um.

Smart Guys 13:6

Wen get peopo do da right ting, Dey make shua fo do stuff da right way all da time. Wen get bad kine peopo, Dey all jam up, cuz dey do bad kine stuff.

Smart Guys 21:12

Da One dat do da right ting erytime, He undastan wat stay happen inside all da bad guys ohanas. Az how he jam up wat da bad peopo try fo do.

Matthew 10:30

Yoa Faddah, he even know how much hairs you get on top yoa head!

Luke 21:18

But dey no goin hurt you guys. You guys no goin lose even one hair from yoa head!

Jesus Guys 27:34

Now I beg you guys fo eat someting. You need um fo stay alive. You guys no goin lose even one hair from yoa head.”

1 Samuel 14:45

But da army guys tell Saul, “Wat you mean, Jonathan gotta mahke?! No way! He da one wen get us Israel guys outa trouble from da Filisha guys, big time! Jalike fo shua Da One In Charge stay alive, us guys stay shua too, dat not even one hair from Jonathan head goin fall on top da groun. Cuz God wen help Jonathan get all us guys outa trouble today!” So dass how da army guys get Jonathan outa trouble fo him no mahke.