1 Kings 1:50 - Hawaii Pidgin Bible

⁵⁰ Adonijah, he sked a Solomon too. He go by da big altar an grab da tings jalike horns dat stick out, fo nobody kill him.

1 Kings 1:50 ပူးပေါင်းရင်းမြစ်များ

1 Kings 1:49

Den, all da peopo dat was making party wit Adonijah stay shake cuz dey sked. Den dey all stan up an go home.

1 Kings 1:51

Somebody tell Solomon, “Adonijah, he sked a you, King Solomon. An you know wat? Adonijah stay put his hands on top da horns dat stay stick outa da big altar, an he tell, ‘I like fo King Solomon make one strong promise to me, dat he no goin tell nobody fo kill me wit one sword. I goin be his worka guy!’ ”

1 Kings 2:28

Joab wen hear wat wen happen. (Befo time, Joab wen push Adonijah fo come King, but he neva push Absalom.) Joab run to da Tent Fo No Foget Da Deal Wit Da One In Charge, an he grab da tings jalike horns dat stick out from da four corna a da altar.

Songs 118:27

Da One In Charge, he God fo real! Da tings he wen do, Az jalike he wen shine da light On top all us guys! All you guys, Carry da tree branches ova hea Fo dis spesho religious kine ceremony, Carry um an bring um by da horns Dat stick out from da altar.”

Outa Egypt 21:14

But wen one guy ony like fo kill anodda guy, an he bulai da guy an kill um, den no matta da killa guy stay right dea by my altar, take um away an kill um.

Outa Egypt 27:2

Make tings dat look jalike horn dat stick out at da four cornas, an make da altar one piece. Cova da whole ting wit bronze metal.

Outa Egypt 30:10

Ery year, from now to foeva, make one spesho day. Dat day, Aaron goin make da sacrifice fo hemo da shame fo da bad kine stuff da peopo do, fo make um come pono wit me. Den he goin put da blood from dat sacrifice on top da four tings jalike horns dat stick out from da incense altar. Dat blood, fo make peopo come pono wit me, make da altar good fo use fo me. Dat altar goin stay spesho fo me, Da One In Charge, foeva.”

Outa Egypt 38:2

Dey make tings dat look jalike horn, dat stick out, an put um on top da four corna. All dis, he make um in one piece, den cova da whole ting wit bronze metal.

Ezekiel 43:15

Da place fo da altar fire stay seven feet mo high, an get four tings dat look jalike horns go up twenny-one inch from wea da fire stay.