1 Kings 1:20 - Hawaii Pidgin Bible

²⁰ But you my boss, da King. Az why you da one dat all da Israel peopo stay watch. You gotta tell erybody, who da one goin sit on top yoa throne afta you mahke.

1 Kings 1:20 ပူးပေါင်းရင်းမြစ်များ

2 Samuel 23:2

“Da Spirit from Da One In Charge give me da words fo tell erybody. He use my mout fo tell stuff.

1 Kings 1:19

He wen kill plenny bulls, an cows peopo wen feed plenny fo make um come fat, an sheeps fo make one sacrifice. He wen tell all da King boys, an Abiatar da pries guy, an Joab da general fo da army, fo come by him. Ony yoa boy Solomon, Adonijah neva tell him fo come.

1 Kings 1:21

If you no tell da peopo notting, den afta you, my boss da king, mahke an go by yoa ancesta guys, erybody goin go afta me an my boy Solomon, an make jalike us bad guys.”

1 Records 28:10

Now tink! Cuz Da One In Charge wen pick you fo build one temple dat stay spesho fo him. Come strong an do yoa job!”

1 Records 29:1

Den King David tell all da peopo dat wen come togedda: “My boy Solomon, he da ony one dat God wen pick. But he young, an he neva do dis kine stuff befo time. Da job real big, cuz dis palace not fo one guy, but fo God, Da One In Charge.

2 Records 20:12

You oua God, so try punish dem! Cuz us no mo powa fo go agains dis big army dat stay come fo attack us guys. Us guys, we donno wat we gotta do, but we trus you fo help us!”

Songs 123:2

All us guys make ready fo do Wateva oua God, Dass Da One In Charge a us, Like us fo do, An us stay waiting fo him do Good tings fo us. We stay ready, jalike da slave guys Wait fo see wat dea boss like um fo do, An jalike da slave wahines stay ready Fo find out wat da wahine dey work fo Like dem fo do.

Songs 25:15

All da time, I tink bout Da One In Charge, An tell him fo help me. Cuz jalike get hunta guys dat like set up one trap fo me, An Da One In Charge, he da One dat hemo my feets outa dea nets.

Zekariah 3:9

Look da jewelry stone I wen put in front Joshua. Get seven flat places on top da stone. I goin cut words on top um. An in one day I goin take away da blame from da peopo inside dis land.’ ” Az wat me, Da One In Charge, Da God Ova All Da Armies, tell.