1 John 5:14 - Hawaii Pidgin Bible

¹⁴ Erytime we go aks God fo do da tings he like make happen, we know fo shua dat he lissen us.

1 John 5:14 ပူးပေါင်းရင်းမြစ်များ

1 Kings 3:12

Cuz you aks me fo do dat, I goin do jalike you tell. I goin help you an give you da kine heart fo know wat fo do erytime, an fo know wass good an wass bad. No mo nobody befo you dat know wat fo do erytime jalike you, an no goin get nobody afta you too, dat can make jalike you.

Job 34:28

Da bad guys make da peopo dat no mo notting yell loud fo God help um. Wen da pooa peopo yell fo help, God lissen!

Songs 145:19

Fo da peopo dat feel jalike dey sked Wen dey in front Da One In Charge, He do da ting dass Da bestes ting fo dem. Wen dey yell fo him help dem, he lissen, An he get um outa trouble.

Songs 31:22

Me, I wen come sked, an right den an dea I wen yell, “Eh! I stay cut off from you, Da One In Charge!” But you wen hear me Yell to you fo help me An you wen help me.

Songs 34:17

Erytime dey yell to Da One In Charge, He lissen dem, An he get um outa All da trouble dey stay in.

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Smart Guys 10:24

Da bad guys, da worses ting dat dey tink can happen to dem, Dass wat goin happen. Da guys dat stay do da right ting, da ting dey like da mostes, Dass wat dey goin get.

Smart Guys 15:29

Da One In Charge stay far away from da bad kine peopo, But wen da peopo dat do wass right pray, He lissen.

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Matthew 21:22

Wen you guys pray, eryting you go aks God fo do, trus um jalike you get um awready, an dat goin happen.”

John 11:42

I know fo shua you erytime lissen me. But I tell dat so dese guys goin trus me, dat you wen sen me hea.”

John 14:13

Wateva you guys go aks me fo do cuz you my guys, I goin do um. Den erybody can know how awesome my Faddah stay, cuz I his Boy, an I show dem how awesome he stay.

John 15:7

If you guys stay tight wit me, an stick wit da tings I stay tell you guys, den you guys can aks God fo wateva you guys like, an he goin do um fo you guys.

John 16:24

Befo now, you guys neva go aks my Faddah fo do notting cuz you my guys. Go aks now, an you guys goin get um, fo you guys stay good inside to da max.

John 9:31

An da guy tell dis too, “Eh! we know dat God no lissen da bad kine guys. But he lissen da guys dat get respeck fo him an do wat he like.”

Efesus 3:12

An us guys dat stay tight wit Christ, fo shua we no need hold back cuz garans us can talk to God any time we like. We trus him, az why we do dis.

Hebrews 10:35

Kay den. You guys wen go thru all dat, an neva come sked. Go stay make lidat, an no give up cuz God goin give you guys plenny good kine stuff fo you no give up!

Hebrews 3:14

You know, God make all us guys stay tight wit Christ. But we gotta hang in dea an go all out fo trus God, jalike wen we wen trus him da firs time.

Hebrews 3:6

But Christ, he God Boy, an cuz a dat, he stay in charge a God peopo. An you know, us guys God peopo. If we hang in dea, an no shame fo come tight wit God, we erytime goin talk bout da good kine stuffs we stay wait fo God do bumbye.

James 4:3

Yeah, you aks fo um, but still yet you no get um, cuz inside you no stay right. Da kine stuff you stay aks fo, az ony fo make you feel good, az why.

James 5:16

So den, if you wen do someting bad, go tell each odda wat kine tings you wen do. Pray fo each odda, fo you come good. Da guy dat get um right wit Da One In Charge an do wass right, wen he pray he get da powa an can do plenny.

1 John 2:28

So now, my good frenz, stay tight wit Jesus. Den wen he come back, us no need come sked o shame in front him.