1 John 4:21 - Hawaii Pidgin Bible

²¹ Dis wat Christ wen tell us guys fo do: Whoeva get love an aloha fo God gotta get love an aloha fo dea braddah an sistah too.

1 John 4:21 ပူးပေါင်းရင်းမြစ်များ

Prieses 19:18

“If one a yoa peopo do someting bad to you, no go do someting bad to dem too. No stay piss off wit um, but get love an aloha fo da odda guy, jalike you get love an aloha fo you. Me, Da One In Charge, tell dis.

Matthew 5:43

“You guys wen hear wat God tell: ‘Show love an aloha fo da peopo all aroun you.’ An da peopo tell: ‘Hate da guys dat hate you.’

Luke 10:37

Da teacha guy tell, “Da guy dat show pity fo him.” Jesus tell, “You go make lidat too!”

John 15:12

Dis wat I tell you guys fo do: Get love an aloha fo each odda, jalike I stay get love an aloha fo you guys.

Galatia 5:14

Da Bible tell, “Get love an aloha fo da odda guy, jalike you get love an aloha fo you.” If you guys do dat, den you goin do eryting da Rules From God tell you fo do.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

1 Tessalonika 4:9

You guys no need fo me write you guys bout how fo show love an aloha fo yoa braddahs an sistahs. Cuz God wen teach you guys dat awready.

1 Peter 3:8

So den, all you guys, dis da las ting I goin tell you. Tink da same way. Get da same kine heart. Get plenny love an aloha fo da braddahs an da sistahs. Get pity fo each odda. No get big head fo notting.

1 Peter 4:8

Dis da main ting: Get plenny love an aloha fo each odda, cuz no matta how plenny bad kine stuff da odda guy wen do, still yet you can be frenz if you get love an aloha fo da guy.

1 John 2:7

My good frenz, I no write you guys one new ting God tell you guys gotta do, but one ol ting you guys wen hear from da start. Dis ol ting, dass da same stuff you guys wen hear befo time.

1 John 3:11

Da firs time you wen hear bout Jesus, we wen tell dis: Us gotta get love an aloha fo each odda.

1 John 3:14

Us guys no stay mahke inside no moa, but us wen come alive inside fo real kine! An you know why we know dat? Cuz us get love an aloha fo oua braddahs an sistahs, az why. Whoeva no mo love an aloha stay cut off from God, jalike dey mahke inside.

1 John 3:18

My good frenz, no show love wit talk ony. You gotta show da kine love dass fo real, an do good kine tings fo erybody!

1 John 3:23

Dis wat God tell us fo do: Trus his Boy Jesus Christ, da Spesho Guy God Wen Sen, an get love an aloha fo each odda, jalike he wen tell us fo do.

1 John 4:11

My good frenz, cuz God wen show dat kine love an aloha fo us guys, den us guys gotta show love an aloha fo each odda too.