1 John 3:6 - Hawaii Pidgin Bible

⁶ Whoeva stay tight wit Christ no do bad kine stuff. Whoeva stay do bad kine stuff, jalike dey neva see Christ o know him fo real kine.

1 John 3:6 ပူးပေါင်းရင်းမြစ်များ

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

1 John 2:28

So now, my good frenz, stay tight wit Jesus. Den wen he come back, us no need come sked o shame in front him.

1 John 2:3

Wen us guys do da tings he tell us fo do, dass how us stay shua dat us know God fo real kine.

1 John 2:4

Whoeva tell “I know God,” but dey no do wat God tell us fo do, dey bulai. Dey donno da trut bout how fo live.

1 John 3:2

My good frenz, us God kids awready. God no show us yet wat kine peopo we goin be bumbye. But we know dat wen Christ come back, us guys goin be jalike him, cuz us goin see him da way he stay.

1 John 3:9

All da peopo dat come from God no stay do bad kine stuff, cuz az jalike God stay live inside dem now. Dey no do bad kine stuff, cuz dey come from God!

1 John 4:8

Da guy dat no mo love an aloha donno God, cuz God erytime get love an aloha fo erybody—dass how he stay.

1 John 5:18

Fo shua all da ones dat stay God kids no do bad kine stuff, cuz God Boy take kea dem, an da Bad Guy, da Devil, no can hurt dem.

3 John 1:11

My fren, no make jalike da peopo dat do bad kine stuff, but make jalike da peopo dat do good kine stuff. Da peopo dat do good kine stuff come from God. Da peopo dat do bad kine stuff donno God fo real kine.