1 John 3:2 - Hawaii Pidgin Bible

² My good frenz, us God kids awready. God no show us yet wat kine peopo we goin be bumbye. But we know dat wen Christ come back, us guys goin be jalike him, cuz us goin see him da way he stay.

1 John 3:2 ပူးပေါင်းရင်းမြစ်များ

Job 19:26

An even afta my skin stay all wipe out Wile I still stay alive I goin see God.

Songs 16:11

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Songs 31:19

Eh God! You awesome, How good you stay! You stash plenny good tings Fo da peopo dat feel jalike dey sked Wen dey stay in front you. You do plenny Fo help da peopo dat come by you Fo you take kea dem. You do good tings fo dem In front erybody.

Isaiah 56:5

Fo dose guys dat no can make kids But stay tight wit me, I goin give dem someting Mo betta den get boys an girls. I goin make dem come jalike az my ohana, An give dem one spesho place inside my house. Peopo no goin foget dea name foeva, An nobody goin foget dea name eva.

Malakai 3:2

“Da messenja guy goin come, An you figga you can handle wen he come?! No way! He goin show up, An you tink you can face him An no run away? Not even! Cuz him, he real strong, Jalike da real hot fire dat da peopo use Fo take da junk stuff outa da silva, An jalike da wash soap Da peopo use fo make da clotheses come real clean.

Matthew 5:8

“Da peopo dat go all out fo God inside, Dey can stay good inside Cuz dey goin see God.

Luke 17:30

Dass how goin be wen I show up, me, da Fo Real Kine Guy.

Luke 20:36

Dat time dey no can mahke, but dey goin stay jalike da angel guys. Cuz dey God kids, an dey goin come back alive.

John 1:12

But erybody dat come tight wit him an trus him, God give dem da right fo come his kids cuz dey know who him.

John 11:52

An he no goin mahke ony fo da Jew guys, but fo all God kids dat stay all ova da world, fo bring dem all togedda fo come one peopo.

John 17:24

“Faddah, I like erybody dat you wen give me come by me wea I goin stay, cuz I like dem see how awesome I stay. Cuz you get love an aloha fo me, an you wen make me awesome befo us make da world.

Rome 8:16

Inside we know us God kids. An God Spirit tell us guys da same ting too,

Rome 8:18

You know, I figga how we stay suffa right now, az notting! Cuz da awesome stuff God goin show us bumbye, goin be unreals!

Rome 8:19

All da tings God wen make, jalike dey no can wait fo someting good fo happen. Dey no can wait fo see God show erybody how proud he stay bout his kids.

Rome 8:29

Befo time, he pick dose peopo awready, cuz he like make um come jalike one copy a his Boy. God Boy, dass Christ. He da main one, an da odda guys, dey jalike his younga braddahs an sistahs.

1 Corint 13:12

Right now, us guys can undastan stuff, but ony jalike us see someting in one junk kine mirror. Hard fo figga wat we see in dea. But bumbye, goin come clear. Us guys goin see eryting jalike stay right dea in front oua face. Right now, I ony know litto bit. But bumbye, I goin undastan eryting, jalike God undastan eryting bout me.

1 Corint 15:49

Us guys, right now we look jalike da Adam guy dat God wen make from da dus. Bumbye, us goin come jalike da Christ Guy dat come from da sky, too.

1 Corint 2:9

Az why da smart kine stuff from God, az jalike da Bible tell, “Get tings you neva see befo time, Get tings you neva hear bout befo time, You no can even figga how unreal dis ting goin be. Dass da kine stuff God make ready Fo us guys dat get love an aloha fo him.”

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

2 Corint 4:17

We get plenny big time trouble now, but you know wat? Wen we tink bout how awesome us goin come to da max foeva, den we know all dat trouble ony manini kine!

Galatia 3:26

All you guys God kids cuz you trus Jesus, God Spesho Guy.

Galatia 4:6

So den, cuz you guys his kids, God put da Spirit from his Boy inside us guys, fo now us tell God, “Daddy, you my Faddah!”

Philippi 3:21

He goin make oua bodies come real diffren, no matta dey stay kinda junk right now. Christ, his body wen come real awesome, an he goin make oua bodies come awesome jalike how Christ body stay awesome. He do dat cuz he get da powa fo take ova eryting.

Colosse 3:4

Christ stay live inside us, an he make us come alive inside fo real kine. Wen he come back, den you guys goin show up wit him too an eryting goin be awesome!

Hebrews 9:28

So Christ wen come one sacrifice ony one time fo da bad kine stuff plenny peopo wen do. An he goin come back hea one mo time, not fo come one sacrifice one mo time fo da bad kine stuff, cuz he wen do dat awready. He goin come back fo get da peopo outa all da bad kine stuff dat happen to dem—dass da peopo dat stay wait fo him come back one mo time.

2 Peter 1:4

Jesus wen give us all da real importan stuff he wen promise fo give us, an dat worth plenny too. An he wen give us all dat fo us guys get da kine life dat God give. Az how us get outa all da pilau stuff da peopo all ova da world do fo make any kine how dey like.

1 John 2:28

So now, my good frenz, stay tight wit Jesus. Den wen he come back, us no need come sked o shame in front him.

1 John 2:7

My good frenz, I no write you guys one new ting God tell you guys gotta do, but one ol ting you guys wen hear from da start. Dis ol ting, dass da same stuff you guys wen hear befo time.

1 John 3:1

Tink bout da kine love an aloha da Faddah wen show us! He even call us his kids! An us his kids fo real kine, you know. Az why da peopo inside da world donno wat kine peopo us, cuz dey donno God.

1 John 3:10

Dis wat show who God kids an who Satan kids: whoeva no do wat stay pono, dey not God kids. Whoeva no mo love an aloha fo dea braddah an sistah, dey not God kids too!

1 John 3:21

My good frenz. Az good if no mo notting inside us dat tell we wen do bad kine stuff. We know same time we no need come shame wen we pray to God.

1 John 5:1

Whoeva stay shua dat Jesus da Spesho Guy God Wen Sen, dey God kids. Erybody dat get love an aloha fo one faddah get love an aloha fo da ones dat come from him too.

Jesus Show 2:28

Erybody dat fight an win ova da bad kine stuff, Dey goin be awesome, jalike da early morning star.

Jesus Show 22:4

God worka guys goin see his face, an dey goin get God name on top dea forehead.