1 John 2:20 - Hawaii Pidgin Bible

²⁰ But you guys, you wen get powa from da Good An Spesho Spirit from God. Az how you guys all know wass true.

1 John 2:20 ပူးပေါင်းရင်းမြစ်များ

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 23:5

You set up da tables An put food on um in front me, Fo da guys dat stay agains me See wat you do fo me. You put olive oil on top my head Fo show you get aloha fo me. You make shua my drinking cup Stay full erytime.

Songs 45:7

You like wen stuff stay right An no like wen stuff stay wrong. Dass why God wen pick you Fo come da king. He wen pour olive oil on top yoa head, An not on top yoa frenz head, Fo you stay good inside Cuz he wen pick you.

Songs 71:22

I goin tell erybody dat I yoa guy, An sing bout you, my God, Wit da ten-string harp, Bout how I can trus you Fo do wat you tell. I goin sing fo you Wit da small harp too, Cuz you da God Dat Stay Good An Spesho, Da One us Israel peopo stay pray to.

Songs 92:10

You wen make me come real strong, Jalike da big wild bulls. You give me one haku lei fo my head, Fo show you get aloha fo me.

Smart Guys 28:5

Da bad kine peopo, Dey donno how fo judge da right way. But da peopo dat like know Da One In Charge fo real kine, Dey know eryting bout wass right an wass wrong.

Isaiah 43:3

Cuz me Da One In Charge, Da God fo all you guys. I da Spesho One fo da Israel peopo Dat get you guys outa trouble. I wen give Egypt fo pay So you no gotta be one slave, An Sudan an Yemen too.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Prieses 7:35

“Az da part from ery kine sacrifice dey burn wit fire fo me, Da One In Charge, dat stay fo Aaron an his boys, from da day dey come pries guys fo me.

Matthew 13:11

He tell, “God let you guys know all da stuff bout how he stay king in da sky. But da odda guys, he no let dem know all dat kine stuff.

Mark 1:24

“Whoa! You Jesus from Nazaret! Wat you like do to us? How come you come ova hea? Fo wipe us out, o wat? I know who you! You da Good An Spesho Guy from God!”

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

Luke 4:34

“Whoa! You Jesus from Nazaret! Wat you like do to us spirits? How come you come ova hea? Fo kill us, o wat? I know who you! You da Good an Spesho Guy from God!”

John 14:26

My Faddah, bumbye he goin sen you guys his Good An Spesho Spirit fo kokua you guys fo me. He goin teach you guys eryting, an help you guys no foget all da stuff I wen tell you guys awready.

John 16:13

Wen da Spirit come dat make you guys know da trut, he goin show you guys how fo do da true stuff. He no goin tell wat he tink, but he goin tell wat my Faddah wen tell him fo tell. An he goin tell you guys bout da stuff dat goin happen bumbye.

Jesus Guys 10:38

An God give Jesus from Nazaret his Good An Spesho Spirit an powa. Jesus go all ova da place, an do da good kine stuff. Da Devil take charge a plenny sick peopo wit his powa, but Jesus even make dem all come good. Jesus do dat cuz God stay wit him.

Jesus Guys 3:14

You guys wen turn ova to Pilate da Good An Spesho One From God dat erytime do da right ting, an den you tell you like Pilate fo turn ova one killa guy to you guys.

1 Corint 2:15

Da guys dat stay tight wit God Spirit, dey can figga um out. But same time, all da odda peopo, dey no can figga out dat guy.

Hebrews 1:9

You stay plenny good inside wen peopo do da right ting, An wen peopo broke da Rules, you had it wit dat. Az why you da one I wen pick from all da guys dat stay by you. Az why I put olive oil on top yoa head fo show dat you da King, An dat you feel mo betta inside Den anybody!”

Hebrews 8:11

Den dey no need teach all da guys dat live close, An dey no need teach dea braddahs an sistahs. No need tell um, “Eh! Gotta know Da One In Charge!” Cuz dat time, dey goin all know who me, From da guys dass not importan to da importan guys.

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.

1 John 4:13

Dis how we know dat us guys stay tight wit God an he stay tight wit us, cuz he wen give us his Spirit fo take charge a us.

Jude 1:5

I figga lidis: I know you guys know all dat stuff awready. But I like make you guys tink bout da time Da One In Charge wen take da peopo outa Egypt, so no mo nobody can make um go back eva. Den afta dat, he wen wipe out da peopo dat neva trus him.

Jesus Show 3:7

Den da One I wen see tell me, “Da messenja guy I wen sen fo help da peopo dat come togedda fo church Philadelphia side, write one letta to him, an tell um dis: “Da One dat live ony fo God, you can trus him erytime fo tell da trut. He da One dat get da right fo be da King jalike King David. Dass jalike he get King David key. Wen he take da key an open da door, no mo nobody can shut um. Wen he take da key an shut da door, no mo nobody can open um. Dis wat he tell:

Jesus Show 4:8

Da four tings dat stay alive an go ery place God go, dey all get six wings, an dey get eyes all ova, even unda dea wings. Dey no stop sing all da time. Dey sing like dis: “Da One In Charge, he Spesho! Real Spesho! Him Da God Dat Get All Da Powa! Him da One dat stay from befo time, An stay now, An goin stay foeva!”