1 John 2:16 - Hawaii Pidgin Bible

¹⁶ You guys know all da bad kine stuff dat get inside dis world: Peopo do wat dey like do cuz dass how dey stay. Dey like get wateva look good to dem. An dey like get da kine stuff fo show off too. All dat no come from da Faddah, but come from dis world.

1 John 2:16 ပူးပေါင်းရင်းမြစ်များ

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Start 6:2

Had guys jalike gods dat wen check out da daughtahs dat born to da peopo. Dey see dat da wahines was good looking, an dey pick da ones dey like fo marry.

Job 31:1

“I wen make one strong promise, Dat no ways I goin check out any young wahine an like sleep wit her,

Songs 73:6

Az why da bad peopo Ack high makamaka, Cuz dey proud, Jalike az one necklace dey show off. Dey ack jalike dey like bus up peopo, Jalike az one fancy kine clothes.

Songs 78:18

Inside, dey tink lidis: “Eh, we go tes God! We tell him he gotta give us guys Da kine food we like!”

Songs 78:30

But befo da peopo pau eat Dat meat dey wen aks fo, Wen da food still stay inside dea mout,

Smart Guys 27:20

Da Mahke Peopo Place, Dey call um Da Deep Dark Hole, Erytime like suck mo plenny peopo down inside. Same ting fo da peopo dat get greedy eye, Dey erytime like take mo plenny stuff.

Smart Guys 6:25

No go tink, “Ho, dis wahine good looking! I like get her!” No good if da way she look at you goin trap you.

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Census 11:34

Az why dey call dat place Kibrot-Hattaavah, Da Graves Fo Da Greedy Guys, cuz dass wea dey bury da peopo dat real greedy fo odda kine food.

Census 11:4

Da guys dass not Jew guys dat come outa Egypt wit dem start fo real kine like eat odda kine food. So one mo time da Israel peopo start fo cry, an tell, “If ony somebody give us guys meat fo eat!

Matthew 4:8

Den da Devil take him up on top one big mountain, an show him all da diffren countries all ova da world, an how awesome dey stay.

Matthew 5:28

But I stay tell you guys dis: Whoeva look at one wahine an like fool aroun her, he do um awready inside.

Luke 4:5

Den da Devil take Jesus up on top one high place, an show him all da diffren countries all ova da world in one secon.

Rome 13:14

But you know wat? Mo betta you change inside an come jalike Da One In Charge a us guys, dass Jesus Christ, da Spesho Guy God Wen Sen! An no even tink fo do wat da bad kine stuff inside you tell you fo do!

1 Corint 10:6

All dat stuff wen happen fo show us guys dat we not suppose to go all out fo do da bad kine stuff, jalike all da peopo dat time.

Galatia 5:17

Cuz God Spirit tell “Laytas” to da kine stuff yoa body tell you fo do, an da body tell “Laytas” to da kine stuff God Spirit like you fo do. Dey stay agains each odda. Az why you guys no can do da kine stuff you like fo do.

Galatia 5:24

Erybody dat stay Jesus Christ guys, dey no goin do all kine bad kine stuff dea body tell um fo do cuz dass how dey stay. Jalike dey wen put all dat kine stuff on top da cross wit Jesus Christ. Den dat stuff no goin get powa ova dem no moa.

Efesus 2:3

An you know wat? All us guys dat time stay ack da same way, jalike da peopo dat go agains God. Eryting oua body like us fo do, we do um. Da way us feel, an da way us tink, we jus do um. Inside we stay jalike da odda peopo. But God had it wit all da kine tings we stay do.

Titus 2:12

God like do plenny good kine stuffs fo us guys. Dass how come he teach us fo tell, “No way!” fo da kine stuff dat God no like, an “Not even!” fo da bad kine stuff da peopo inside dis world like do. He teach us fo take charge a how us live, fo do da right tings, an fo do da kine stuff dat he like fo us do, hea inside da world nowdays.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

James 3:15

You guys tell you smart, but you guys no get yoa smarts from God in da sky, you get um from dis jam up world. Dat kine smarts no come from God Spirit, come from you, come from da bad kine spirits.

James 4:16

You guys, ony like talk big! Az bad, fo talk big lidat, you know!

Joshua 7:21

Wen us guys take all da stuff from Jericho, I see one nice looking Babylon robe, wit five poun silva an one gold bar dat weigh mo den one poun. I wen like um, so I take um. I hide um unda da groun inside my tent, an da silva unda da odda stuff.”

1 Peter 1:14

Now you guys gotta ack jalike kids dat lissen dea muddah an faddah. No follow da bad kine stuff dat you guys like do befo time. Eh, dass wen you guys neva know notting!

1 Peter 2:11

My frenz, you guys no stay kamaainas ova hea an you stay hea ony short time. Az why I stay beg you guys fo no do da bad kine stuff yoa body tell you fo do. Inside you, da bad kine stuff stay fight you.

2 Peter 2:10

An da peopo dat ony like do all da pilau kine tings dea body like do, God know how fo make dem suffa even moa. Dey like talk bad bout erybody dat get da right fo tell um wat dey gotta do. Da teacha guys dat bulai, dey get big head an no shame how dey ack. Dey no mo respeck, an dey no sked fo talk bad bout God an his awesome kine peopo inside da sky.

2 Peter 2:18

Dese guys talk big, but dey no tell notting. Dey talk lidat cuz dey like bulai peopo fo make um do any kine wild sex dea body like. An dey go afta peopo dat start fo go back da right way, cuz dey like run away from da ones dat live da wrong way.