1 John 2:14 - Hawaii Pidgin Bible

¹⁴ I stay write to you small kids Cuz you guys know da Faddah fo real kine. I stay write to you faddah guys, Cuz you guys know da One dat stay from befo time. I stay write to you young guys, Cuz wat God tell stay inside you guys, an you guys strong, An you guys wen fight da Bad Guy, Satan, an win!

1 John 2:14 ပူးပေါင်းရင်းမြစ်များ

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

John 15:7

If you guys stay tight wit me, an stick wit da tings I stay tell you guys, den you guys can aks God fo wateva you guys like, an he goin do um fo you guys.

John 5:38

You guys no tink az true wat God tell, cuz you guys no trus me, an I da guy he wen sen.

John 8:31

Den Jesus tell da Jew guys dat trus him, “If you guys stay tight wit me an da stuff I stay teach you, den you goin be my guys fo real kine, an you guys goin learn mo plenny stuff from me.

John 8:37

“I know fo shua you guys come from Abraham. But still yet, you guys stay trying fo kill me, cuz you guys no like take da stuff I stay teach.

Efesus 6:10

So den, stan strong cuz you guys stay tight wit Da One In Charge, an he get all da powa you guys need fo make you guys strong inside.

Philippi 4:13

I strong enuff fo handle any kine cuz I stay tight wit Christ, an he give me da powa fo do um.

Colosse 1:11

an get mo strong inside from God awesome kine powa, dat goin make you guys handle any kine an hang in dea long time.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

2 Timoty 2:1

Eh, Timoty my boy! You gotta be strong inside, you know! You stay tight wit da Spesho Guy God Wen Sen, az Jesus Christ. He stay do good tings fo you. Az how you goin come mo strong inside.

Hebrews 8:10

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.

1 John 1:1

From befo da time wen eryting start, had one Guy. He da One tell us peopo how fo come alive inside fo real kine! You know, me an da odda guys dat was wit Jesus, us wen lissen him, see him, look at him real good, an touch him wit oua hands!

1 John 1:10

If us guys tell we neva eva do bad kine stuff, dass jalike us tell dat God one bulaia. Dat show dat us no believe wat he tell.

1 John 2:13

I stay write to you faddah guys, Cuz you guys know God fo real kine, Da One dat stay from befo time. I stay write to you young guys, Cuz you guys wen fight da Bad Guy, Satan, an win!

2 John 1:2

cuz da trut stay inside all us guys an goin stay wit us foeva!

3 John 1:3

Wen da braddahs wen come tell me dat you stay stick wit da trut, an you still stay do da true kine tings, all dat wen make me stay real good inside.

Jesus Show 2:3

You guys hang in dea, an no matta you guys suffa plenny cuz you my guys, still yet, you guys no give up.

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.