1 John 2:13 - Hawaii Pidgin Bible

¹³ I stay write to you faddah guys, Cuz you guys know God fo real kine, Da One dat stay from befo time. I stay write to you young guys, Cuz you guys wen fight da Bad Guy, Satan, an win!

1 John 2:13 ပူးပေါင်းရင်းမြစ်များ

Songs 148:12

Good, da young guys an wahines Tell good tings bout Da One In Charge, Da ol peopo an da young ones Togedda too.

Songs 90:2

Befo had mountains, Befo you make da world An all da diffren lands, Befo had time even, You stay God fo real kine. An you goin stay God foeva!

Songs 91:14

Da One In Charge, dis wat he tell: “Eh, dis guy get love an aloha fo me An stay tight wit me, An he my guy cuz he know Who me fo real kine! Dass why I goin get him outa trouble An no let notting hurt him.

Smart Guys 20:29

How come erybody like young peopo? Cuz dey strong, az why. An how come erybody tink Ol peopo wit gray hair awesome? Cuz dey know how fo live, az why.

Joel 2:28

An afta dat, I goin make my Spirit take charge all da peopo. Yoa boys an girls goin talk fo me. Yoa ol guys goin dream plenny dream. Yoa young guys goin see spesho tings jalike dreams.

Zekariah 9:17

Da peopo a Da One In Charge, Dey goin be good looking an beautiful! Da wheat an barley goin make da young guys strong. An da new wine goin make da young wahines beautiful.

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

Matthew 13:19

Any guy hear da stuff bout da King in da sky, an no undastan, da Bad Guy come an take away da stuff dat da guy wen hear dat stay inside him. Dass jalike da seed dat fall down by da trail.

Matthew 13:38

Da field, dass da world. Da good seed, dass da peopo dat get God fo dea king. Da weeds, dass da peopo dat stay tight wit da Bad Guy, da Devil.

Matthew 5:37

Ony tell, ‘Yeah’ o ‘No.’ Wateva you tell mo den dis come from da Bad Guy, da Devil.

Luke 10:22

Jesus tell, “My Faddah give me eryting, you know. Nobody know me da way my Faddah know me. An nobody know my Faddah fo real kine, ony me, I know him, an da peopo I like show him, dey know him too.”

John 14:7

You guys know me, so dass mean you guys goin know my Faddah. An from now, you guys know him, an see him.”

John 14:9

Jesus tell him, “I stay wit you guys long time, an you still yet donno who me, Philip? Whoeva see me, dey see my Faddah. So how come you tell, ‘Show us yoa Faddah’?

John 16:3

Dey goin make lidat to you guys cuz dey donno my Faddah an dey donno me.

John 16:33

“I tell you guys all dis stuff fo notting bodda you, cuz you guys stay tight wit me. Da peopo inside da world goin make you guys suffa. But come strong! I da winna ova all da powa inside da whole world!”

John 17:21

Dass how erybody goin stay tight wit each odda, jalike you stay tight wit me, Faddah, an I stay tight wit you. I like dem stay tight wit us, so da peopo inside da world goin come shua az fo real kine, dat you da One wen sen me hea.

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

John 8:19

Dey tell, “Yeah? Yoa faddah, wea he stay?” Jesus tell, “You guys donno me o my Faddah. If you guys wen know me, den you guys wen know my Faddah too. But you donno me o him.”

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

1 Timoty 5:1

No scold da older guys, but talk to dem wit good kine words, jalike dey yoa faddah. Same same fo da younga guys, talk to dem jalike dey yoa braddahs.

Titus 2:6

Same ting wit da younga peopo inside da church. Give dem good kine words fo help um fo take charge a how dey live.

1 John 1:1

From befo da time wen eryting start, had one Guy. He da One tell us peopo how fo come alive inside fo real kine! You know, me an da odda guys dat was wit Jesus, us wen lissen him, see him, look at him real good, an touch him wit oua hands!

1 John 2:1

Eh, my good frenz! I stay write dis stuff to you guys, so you no do bad kine stuff. But wen get somebody dat do bad kine stuff, us get one Guy dat stay talk to da Faddah fo us guys. Dass Jesus Christ, da Spesho Guy God Wen Sen. He erytime stay do da right ting.

1 John 2:12

I stay write to you small kids, Cuz God wen let you guys go An hemo all da shame Fo all da bad kine tings you guys wen do. He do dat cuz you wen come his guys.

1 John 2:14

I stay write to you small kids Cuz you guys know da Faddah fo real kine. I stay write to you faddah guys, Cuz you guys know da One dat stay from befo time. I stay write to you young guys, Cuz wat God tell stay inside you guys, an you guys strong, An you guys wen fight da Bad Guy, Satan, an win!

1 John 3:12

Tink bout da Cain story inside da Bible from befo time. No make jalike Cain. He wen stay tight wit da Bad Guy, Satan, an he kill his braddah Abel. How come he wen kill Abel? Cuz Cain stay do bad kine tings, an his braddah stay do da right kine tings.

1 John 4:4

My good frenz, you guys come from God. Da One dat stay inside you guys, he mo strong den da Bad Guy dat stay inside da world. Dass how you guys wen stan up agains dose guys dat bulai da ones dey stay teach. An you da guys dat wen win!

1 John 5:18

Fo shua all da ones dat stay God kids no do bad kine stuff, cuz God Boy take kea dem, an da Bad Guy, da Devil, no can hurt dem.

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!

Jesus Show 12:11

Oua braddahs an sistahs wen win ova da bad kine stuff, Cuz dey trus God Bebe Sheep Guy. He wen bleed an mahke fo dem. An dey wen tell dat dey trus him. Dey not even sked fo give dea life fo mahke!

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.