1 Corint 9:1 - Hawaii Pidgin Bible

¹ Tink bout dis: I one guy dat do wateva I like do. God wen sen me all ova da place fo tell peopo bout him. I wen see Jesus, Da One In Charge a us guys. Cuz I stay tight wit him, all you guys wen trus Christ cuz a da work I wen do.

1 Corint 9:1 ပူးပေါင်းရင်းမြစ်များ

Jesus Guys 13:2

Wen dese guys stay pray to God, an skip food wen dey pray, da Good An Spesho Spirit tell, “Pick Barnabas an Saul, an make dem spesho fo me, fo do da stuff I like um fo do.”

Jesus Guys 14:14

Wen Jesus guys Barnabas an Paul find out wat da peopo stay trying fo do, dey rip dea clotheses fo show dat wat da peopo stay do not pono. Dey run inside da middo a da peopo an yell

Jesus Guys 14:4

Az how some peopo inside Iconium stay tight wit da guys Jesus wen sen all ova, an da odda peopo stay tight wit da Jew guys. An da peopo inside da town go two ways.

Jesus Guys 23:11

Da nex nite Da One In Charge stan by Paul an tell, “No sked! Be strong! Jalike you wen tell da peopo bout me inside Jerusalem, you goin tell um bout me inside Rome too.”

Jesus Guys 9:15

But Da One In Charge tell Ananias, “Go! I wen pick dis guy fo tell who me to da peopos dass not Jew guys an dea kings an to da Israel peopo too.

Jesus Guys 9:17

Den Ananias go da house wea Saul stay an go inside. He put his hands on top Saul, an tell, “Braddah Saul, Jesus Da One In Charge, da One dat show up by you wen you stay on da road fo come ova hea. He sen me by you fo you see one mo time, an fo his Good An Spesho Spirit take charge a you.”

Jesus Guys 9:3

Saul go on da road an come nea Damascus. An you know wat? Right den an dea one light from da sky flash aroun him.

Jesus Guys 9:5

Saul tell, “Who you, Boss?” Da voice tell, “Me Jesus, da Guy you stay make suffa.

Rome 1:1

Dis letta from me, Paul. I one worka guy fo Jesus Christ, da Spesho Guy God Wen Sen. God wen tell me fo come be his guy, cuz he like sen me all ova da place fo talk fo him. God wen make me one spesho talka fo tell peopo da Good Kine Stuff From Him.

Rome 1:5

Dass how Jesus stay, an dass why God like do good tings fo us guys. Cuz a dat he stay sen us guys all ova da place, cuz he like all da peopos from diffren places fo trus him an live da way he tell um fo live. An me, I like do dat fo dem know who Christ.

Rome 11:13

Fo you guys dass not Jew guys, I like tell you one mo ting: God sen me all ova da place by da odda peopos dass not Jew guys fo talk fo him. Dis job God give me stay real importan!

1 Corint 1:1

Aloha! Dis letta from Paul. God tell me fo be his guy, cuz he like sen me all ova da place fo tell peopo bout Jesus Christ, da Spesho Guy he wen sen. An Braddah Sostenes, he stay help me write dis.

1 Corint 10:29

Az why you gotta tink bout wat da odda guy tink, if az okay fo him fo eat um. No tink ony bout wass okay fo you. But eh! I get da right fo do wat I like do. Still yet, if anodda guy tink dass not okay fo him do dis ting, an az bad fo him, how come I no mo da right fo do wat I like do, jus cuz da odda guy tink az bad fo him?

1 Corint 10:30

If I eat da stuff an tell God “Mahalo plenny!” how come peopo talk bad bout me?

1 Corint 11:16

But if whoevas like make argue bout dis, dey gotta figga lidis: all us leada guys an da church peopo all ova, dass da way we do um.

1 Corint 3:6

Was me dat tell you guys bout Christ firs time. Dass jalike I wen plant da seed. Den Apollos wen come teach you guys. Dass jalike he watta da seed I wen plant. But God, he da One dat make um grow!

1 Corint 9:19

I do wateva I like do, an no mo nobody can tell me how I gotta ack. But you know wat? Jalike I wen come jalike one slave guy fo erybody tell me wat fo do. Wen I make lidat, I can help plenny mo peopo fo know God, az why.

2 Corint 10:7

You guys ony figga how tings stay by how dey look. If one guy shua he one Christ Guy, he gotta tink lidis, dat us guys Christ guys too, jalike him.

2 Corint 11:5

I no tink me less importan den dem odda guys dat tell God wen sen um, da ones dat get big head. Dey not mo betta den me.

2 Corint 6:1

Cuz us guys stay work togedda wit God, we like give you guys good kine words: No let all da good kine stuff God wen do fo you guys stay fo notting.

Galatia 1:1

Dis me, Paul. I one messenja fo God da Faddah an Jesus Christ, da Spesho Guy God Wen Sen. I stay write dis letta fo all you church peopo inside Galatia. Jesus Christ an God da Faddah, da One wen make Jesus come back alive from mahke, dey tell me fo go all ova fo tell peopo da Good Stuff Bout Jesus. Peopo neva tell me fo go, o give me da right fo do um. Was God. All my odda braddahs an sistahs ova hea wit me, dey give you guys dea aloha too.

Galatia 5:1

Christ let us go fo us no gotta do wat da Rules tell fo get um right wit God. Cuz a dat, hang in dea an stay strong. No let dem buggahs pile up all kine rules on top you guys one mo time.

1 Tessalonika 2:6

Us guys neva try fo make peopo tink dat us da greates—not even you guys o odda guys!

1 Timoty 2:7

Dass why God wen pick me, an sen me all ova da place fo tell da Good Stuff to all da diffren peopos dass not Jew guys. He like me teach dem fo dem trus da true stuff. Eh, I no bulai. Wat I stay telling you stay true.

2 Timoty 1:11

God wen make me one messenja guy fo tell da Good Stuff From God. He wen sen me all aroun fo teach.