1 Corint 7:38 - Hawaii Pidgin Bible

³⁸ Good ting fo da guy marry her, but mo betta, da guy no get married.

1 Corint 7:38 ပူးပေါင်းရင်းမြစ်များ

Matthew 5:32

But I stay tell you guys dis: Whoeva dump his wife, an she neva even fool aroun, he make her jalike she wen fool aroun. An if anodda guy marry her afta her husban dump her, dat guy jalike one guy dat go fool aroun da firs guy wife.

1 Corint 7:26

You know, get plenny trouble an presha nowdays. Dass why I figga, mo betta stay da way you was.

1 Corint 7:37

But if get one guy dat know wat he like, an he can handle, an wait, an he stay make up his mind fo no get married, dass okay too.

1 Corint 7:39

So den, da wife gotta stay wit da husban till he mahke. Afta he mahke, she can marry if she like, but ony if da odda guy stay tight wit Da One In Charge.

1 Corint 7:8

I like tell da peopo dat no stay married an da widows: Mo betta you no marry, jalike me awready.

Hebrews 13:4

An erybody gotta show plenny respeck fo da guy an wahine dat stay marry. Wen dey sleep togedda, dass good. Az why da husban o da wife betta not fool aroun behind each odda back. Cuz God goin punish da peopo dat fool aroun behind da odda back, an erybody dat fool aroun anybody dey no stay married to.