1 Corint 7:29 - Hawaii Pidgin Bible

²⁹ Eh my braddahs an sistahs! I like tell dis: No mo time awready, if you get one wife o if you no moa. Cuz da way da world stay now, goin all pau.

1 Corint 7:29 ပူးပေါင်းရင်းမြစ်များ

2 Samuel 19:34

But Barzillai tell da king, “I donno how plenny mo year I goin stay alive fo go Jerusalem wit you, da king, aah?

Teacha 6:12

So who know wass good fo peopo do all da time dey stay alive? Dey ony get short time fo live, jalike one shadow dat no stay long time, an dat no make sense. An who can tell dem wat goin happen unda da sun afta dey mahke?

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Ezekiel 7:12

Now, da time come awready! Da guy dat buy stuff betta not throw party cuz he get um cheap, an da guy dat sell stuff betta not ack jalike he stay sad inside cuz he pay too much. Cuz I stay huhu, an I goin give all dem guys lickins.

Luke 14:20

Anodda guy tell, ‘I jus wen get married, az why I no can go wit you.’

1 Corint 7:28

But if you get married, az not wrong. If one wahine dat neva marry go marry somebody, az not wrong too. But da peopo dat get married goin get problem inside dis world. I ony stay try fo help you guys fo you no suffa.

1 Corint 7:30

Same ting if you stay cry o you no stay cry, if you stay good inside o you no stay good inside, if you can buy stuff o you no mo notting,

1 Corint 7:31

o if you use da stuff from dis world, o if you let um go, no big ting. Cuz da way da world stay now, goin all pau.

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

1 John 2:17

Dis world an all da stuff da peopo like get, dat goin pau. But da guy dat do wat God like him fo do, he goin live fo real foeva!