1 Corint 7:14 - Hawaii Pidgin Bible

¹⁴ Da husban dat no trus God stay spesho fo God still yet, cuz he stay tight wit da wife dat trus God. An da wife dat no trus God stay spesho fo God still yet, cuz she stay tight wit da husban dat trus God. If no was lidat, den dea kids no stay spesho fo God. But cuz one a da faddah-muddah guys trus God, da kids stay spesho fo God too.

1 Corint 7:14 ပူးပေါင်းရင်းမြစ်များ

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Jesus Guys 10:23

Den Peter tell da guys fo come inside an sleep ova. Da nex day Peter go wit da guys, an some a da braddahs from Joppa go too.

Rome 11:16

Eh, you know, if you take one small piece bread, an give um firs to God, den da whole bread stay spesho fo him. An if you give da root from one tree to God, da whole tree stay spesho fo him too.

1 Corint 7:13

Same ting, if one wahine get one husban dat no trus God, she not suppose to leave him if he like her stay wit him.

1 Timoty 4:5

Da food stay spesho fo God, cuz God tell dat, an cuz we tell him “Mahalo plenny!” fo um.

Titus 1:15

Da peopo dat no mo bad kine stuff inside, fo dem eryting good da way dey see um. But da peopo dat stay pilau inside an no trus God, eryting stay pilau da way dey see um. Mo worse, even da way dey tink stay all pilau, an dey no shame fo do bad kine stuff.