1 Corint 4:19 - Hawaii Pidgin Bible

¹⁹ But if Da One In Charge like, I goin come Corint side soon. Den I goin find out if dese guys dat ack big head ony mout, o if fo real dey get powa!

1 Corint 4:19 ပူးပေါင်းရင်းမြစ်များ

Jesus Guys 18:21

Wen he go, he promise dem, “I goin come back if God like me come back.” Den he ride boat from Efesus.

Jesus Guys 19:21

Afta all dat happen, Paul tink fo go Jerusalem, an go thru Macedonia an Akaia. He tell, “Afta I go ova dea, den I gotta go Rome too.”

Jesus Guys 20:2

He go thru Macedonia, an talk to da peopo ova dea an kokua dem. An den he go Greece side.

Rome 15:32

Den, if God like me go Rome, pray fo me stay real good inside, an fo me come by you guys fo feel mo good inside, an fo res up plenny.

1 Corint 11:34

But if somebody stay hungry, mo betta dey stay home fo eat. No good you guys come togedda, jus fo get punish. An all da odda tings you guys wen like aks bout, bumbye I goin tell you guys how fo do um wen I come dea.

1 Corint 14:5

I like all you guys talk diffren kine language, you know. But mo betta den dat, I like you guys talk fo God. Da guy dat talk fo God, he mo importan den da guy dat talk diffren kine language. But dass okay fo talk diffren kine language, if you get somebody fo tell wat da guy mean wen he stay talk lidat. Den all da odda peopo dat come togedda fo church goin come mo strong inside, cuz dey all undastan wat da guy tell.

1 Corint 16:5

Afta I go thru Macedonia, den I like go by you guys. But firs, I gotta go Macedonia.

1 Corint 16:7

Right now, I figga no good ony pass by you guys cuz den I ony goin see you guys short time. Mo betta I go dea layta cuz den I stay shua I can hang out wit you guys long time if Da One In Charge let me.

1 Corint 2:6

Fo shua, wen us guys talk to da peopo dat stay solid inside, we teach um wat fo do erytime. But we no teach da same kine stuff da peopo inside da world stay teach nowdays bout wat fo do erytime, o da smart kine stuff da leada guys tink dass smart. (Dem leada guys, dey all goin come wipe out, you know.)

1 Corint 4:18

But some a you guys ack big head, cuz you tink I no goin go ova dea by you guys.

1 Corint 4:6

My braddahs an sistahs, I wen talk bout me an Apollos, jalike I draw one picha fo help you guys learn dis one ting from us guys: Ony do wat da Bible tell you fo do. If you guys learn dat, den you guys no goin talk big cuz you stay tight wit one a us guys an you make jalike da odda guy notting.

2 Corint 1:23

Wen I tell dis, I tell God fo back me up, cuz he know how I stay inside. He know how come I neva go Corint side fo visit you guys yet. I no like make you guys come shame, dass why I neva go visit you guys yet.

2 Corint 10:9

I no like make you guys come sked wen I write my lettas to you.

Hebrews 6:3

So now, we goin leave all da beginnas kine stuff behind, if God let us do um. Den we goin talk bout how fo come solid an grown up inside.

James 4:15

Mo betta tell, “If az wat Da One In Charge like, we goin stay alive, an do dis ting an dat ting.”