1 Corint 15:26 - Hawaii Pidgin Bible

²⁶ An get anodda ting dat stay agains us guys—us gotta mahke. Dass da las ting God goin wipe out. Den from dat time, nobody goin mahke.

1 Corint 15:26 ပူးပေါင်းရင်းမြစ်များ

Isaiah 25:8

Da One In Charge a me stay make peopo So dey no goin mahke no moa, eva. Dey all stay cry now, But he goin wipe off da tears from dea face. Da peopo dat get Da One In Charge fo dea God, Dey all shame now, all ova da world. But he goin take away all dat shame. Dass wat Da One In Charge tell.

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

Luke 20:36

Dat time dey no can mahke, but dey goin stay jalike da angel guys. Cuz dey God kids, an dey goin come back alive.

1 Corint 15:55

“Da Devil like make us guys mahke, But he wen lose awready! Us no goin cry inside, Cuz da Devil no can wack us guys fo us mahke no moa!”

2 Timoty 1:10

But now God stay show us guys his plan, An how he like do good tings fo us guys. We wen find out all dat Cuz Jesus Christ show up hea an us guys wen see him. He da One dat take us outa da bad kine stuff us guys do. Cuz a Christ, us guys no goin mahke no moa! Christ wen tell us da Good Stuff Dat tell he goin make oua body come diffren kine Dat no goin mahke o come rotten, But goin stay alive fo real kine foeva!

Hebrews 2:14

God kids get blood an bones cuz dey peopo. Dass why Jesus jalike dem, wit blood an bones too. He stay lidat so dat wen he mahke, he hemo all da powa from da Devil, da one dat get da powa fo kill peopo.

Jesus Show 20:13

Den da peopo dat wen mahke inside da ocean come up an go in front da Judge. An da mahke guys dat stay inside da place wea da mahke peopo go, dey come up too. Den God check um all out an judge um, fo all da stuff dey wen do.

Jesus Show 20:14

Den God throw da guy dat stay in charge a da place wea da mahke guys go, inside da lava lake dat stay burn. An he throw da guy dat make um mahke inside dea too. Dat lake, dass wea da peopo goin mahke da secon time.

Jesus Show 21:4

God goin wipe away all da tears from dea eye. Nobody goin mahke no moa. Nobody goin stay sad inside, O cry, o suffa, Cuz da way tings wen happen befo time, All dat goin come pau!”