1 Corint 14:16 - Hawaii Pidgin Bible

¹⁶ If you tell inside you how good God stay an you stay use one diffren kine language, an get one guy inside da meeting dat no undastan wat you tell, how he goin tell “Dass right!” wen you tell God, “Mahalo plenny!” wit da odda language? He no can cuz he no undastan.

1 Corint 14:16 ပူးပေါင်းရင်းမြစ်များ

1 Kings 1:36

Benaiah (Jehoiada boy) tell da King, “Right on! I like fo Da One In Charge make all dat happen. Him da God dat my boss da King stay pray to!

1 Records 16:36

We like fo erybody talk good bout Da One In Charge, Da God fo da Israel peopo, foeva an eva! Den all da peopo tell, “Az fo shua!” an “Tell erybody dat Da One In Charge, he da greates!”

Nehemiah 5:13

Den I shake out da part a my robe wea I keep stuff, an I tell, “Erybody dat no do how dey wen promise, I like fo God shake dem outa dea house an all da stuffs dey wen work hard fo get fo dem no mo notting.” All da peopo dat come togedda tell, “Az right! We gotta do um!” Dey tell good tings bout Da One In Charge. An dey go do jalike dey wen promise fo do.

Nehemiah 8:6

Den Ezra talk to Da One In Charge, da awesome God. Ezra tell God “Mahalo,” cuz he do all kine good tings fo da peopo. All da peopo put up dea hands an tell, “Dass it!” Den dey go down an put dea face on top da groun fo show love an respeck fo God.

Songs 106:48

Good fo tell erybody Dat Da One In Charge, Da God fo da Israel peopo, Stay do good tings fo us guys From befo time, an foeva! We like all da peopo tell, “Dass right!” Tell good tings Bout Da One In Charge!

Songs 41:13

Eh you guys! Tell good tings Bout Da One In Charge! He stay da God fo us Israel peopo From befo time till foeva! Dass how he stay! Dass it!

Songs 72:19

I like fo erybody tell Good tings bout him all da time, Cuz dey know how awesome him! I like fo erybody all ova da world Know how awesome he stay! Dass it! Pau.

Songs 89:52

Real good fo tell dis all da time: Da One In Charge, He do plenny good tings fo us guys. Dass fo shua! Dass it!

Jeremiah 11:5

Dass cuz I like do wat I wen make one strong promise fo do to yoa ancesta guys, fo give dem one land dat get plenny milk an honey erytime.’ Az da land you guys get today!” An me, Jeremiah, I tell Da One In Charge, “Az right!”

Jeremiah 28:6

“Az right! Good! I like fo Da One In Charge do dat too! I like Da One In Charge make happen all da tings you wen tell cuz you talk fo him! I like fo him carry back to dis place from Babylon, da stuff from da Temple Fo Da One In Charge! I like fo him bring back all da peopo dey wen make prisona an take Babylon side!

Census 5:22

I like fo dis watta dat put kahuna on top you, go inside yoa opu, fo make yoa belly swell up an yoa privates come any kine!’ “An da wahine goin tell, ‘Az right! Az how goin be.’

Matthew 15:36

An he take da seven bread an da fish, an tell God mahalo plenny fo um. Den he broke um up, an give um to his guys. Dey give um to all da peopo.

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Mark 16:20

Den all his guys go all ova da place an teach. An Da One In Charge work wit dem, an stay do awesome kine stuff fo show dat wat he tell stay fo real.

John 21:25

An get plenny mo odda kine stuff Jesus do. If somebody wen try write all dat Jesus wen do, from da time he start till pau, I figga da whole world no mo room fo get all da kine books bout um.

John 7:15

An da Jew leada guys, blow dea mind. Dey tell, “How come dis buggah know all dis stuff? He neva study wit da odda teachas, you know.”

Jesus Guys 4:13

Da leadas see dat Peter an John talk wit powa an dey not sked. An da leadas know dat Peter an John jus regula guys dat neva go school fo learn, an dat blow dea mind. An dey know dat dese guys, dey wen hang out wit Jesus.

1 Corint 11:24

He tell God “Mahalo plenny!” an he broke da bread up. Den he tell, “Eat dis piece bread. Dis, my body, dass goin be fo you guys no foget me.”

1 Corint 14:14

Me, if I talk one diffren kine language wen I pray, I pray inside, but I no tink wat I mean inside my head.

1 Corint 14:2

Cuz you know, wen one guy talk one diffren kine language, God Spirit give him da powa fo tell stuff dat still yet stay secret. But da guy no talk to da peopo dea. He talk to God. No mo nobody dea undastan da guy.

1 Corint 16:24

I get love an aloha fo all you guys cuz us all stay tight wit da Spesho Guy God Wen Sen, Jesus!

2 Corint 1:20

Da stuff God wen promise fo do, you guys figga he can do um, o wat?! Jesus tell, “Yeah!” An us guys goin tell, “Az right!” cuz us know wat Jesus Christ wen do. We tell dat fo show how awesome God stay.

Jesus Show 22:20

Da One dat tell all dis stuff tell, “Yeah, I goin come back real quick!” Yeah, You Da One In Charge! Go come back real quick, Jesus!

Jesus Show 5:14

Den da four tings dat stay alive an go ery place God go, dey tell, “Dass right!” An da older leada guys go down an show God an da Bebe Sheep Guy love an respeck.

Jesus Show 7:12

Dey tell, “Dis fo shua! God, we talk good bout you, You awesome! You know wat fo do erytime! Mahalo plenny! We get plenny respeck fo you! You get all da powa! You mo strong den anybody! You stay lidat foeva an eva! Dass fo shua!”