1 Corint 13:8 - Hawaii Pidgin Bible

⁸ Wen you get love an aloha fo somebody, dass goin las foeva. But fo da guys dat talk fo God, wat dey tell no goin las. Wen peopo talk diffren kine languages, bumbye nobody goin talk lidat. Da stuff da smart guys know, bumbye no goin need dat.

1 Corint 13:8 ပူးပေါင်းရင်းမြစ်များ

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Luke 22:32

But I wen tell God fo help you, Peter, so you trus God an no give up. Afta you come sorry an come back by me, kokua yoa braddahs.”

Jesus Guys 13:1

Had guys dat talk fo God an guys dat teach wit da church guys in Antiok: Barnabas, Simeon da popolo guy, Lucius from Cyrene, Manaen da guy dat grow up wit King Herod, an Saul.

Jesus Guys 19:6

Wen Paul put his hands on top dem, da Good An Spesho Spirit take charge a dem. So den dey talk diffren kine languages, an tell wat God tell.

Jesus Guys 2:4

Da Good An Spesho Spirit take charge a dem, an dey start fo talk plenny odda kine languages, cuz God Spirit make um fo dem talk lidat.

1 Corint 12:10

An odda peopo, God give um da powa fo do awesome kine stuff dat show da powa God get. An odda peopo, he give um da powa fo talk fo God, an oddas, he give um da powa fo figga wat spirits come from God an wat spirits not from God. Oddas can talk diffren kine language. An still yet oddas can tell wat da diffren language mean.

1 Corint 13:10

Bumbye, da time goin come wen eryting stay perfeck. Dat time, no goin need da litto bit kine stuff no moa.

1 Corint 13:13

So now, get three tings dat stay: trus God, know eryting goin come out okay bumbye, an get love an aloha fo erybody. From da three tings, get love an aloha fo erybody, dass da main ting, an da bestes way!

1 Corint 14:39

My braddahs an sistahs, wat all dis mean?! Dis mean, go all out fo talk fo God! An no go tell peopo dey no can talk one diffren kine language.

1 Corint 8:2

Plus, if peopo dat tink dey know someting awready, dey still donno um da way dey suppose to know um.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Hebrews 8:13

Wen God tell “da New Deal,” dat mean he make da firs deal no good awready. An you know, wateva stay come ol an no good, dat litto mo gone awready.