1 Corint 13:12 - Hawaii Pidgin Bible

¹² Right now, us guys can undastan stuff, but ony jalike us see someting in one junk kine mirror. Hard fo figga wat we see in dea. But bumbye, goin come clear. Us guys goin see eryting jalike stay right dea in front oua face. Right now, I ony know litto bit. But bumbye, I goin undastan eryting, jalike God undastan eryting bout me.

1 Corint 13:12 ပူးပေါင်းရင်းမြစ်များ

Start 32:30

Jacob give dat place da name Peniel, dat mean, “God face.” Cuz he tell, “I wen see God! I wen look his face, an I alive still yet!”

Job 19:26

An even afta my skin stay all wipe out Wile I still stay alive I goin see God.

Job 36:26

God, he stay big an importan. Us, we no can undastan him! No can count how many year he stay alive.

Outa Egypt 33:11

Da One In Charge, he stay talk wit Moses, jalike wen one guy stay talk wit his fren. Afta, Moses go back da camp. But da young helpa guy fo Moses, dass Joshua, Nun boy, he no go way from inside da tent, he stay dea.

Ezekiel 17:2

“Eh! Fo Real Kine Guy! Tell da Israel ohana peopo one story fo teach importan kine stuff fo make um tink.

Census 12:8

Wit him, I can talk strait. Wen I talk, I make shua he know wat I mean. I no hide wat I tell, not wit da hard fo undastan kine talk. He know how I look like, me, Da One In Charge. So den! How come you guys no sked Fo grumble bout my worka guy Moses?!’ ”

Matthew 18:10

Jesus tell, “Watch out dat you guys no figga you mo betta den one a dese small kids hea. I tell you guys, dey get spesho angel guys inside da sky dat can talk to my Faddah up dea, any time dey like.

Matthew 5:8

“Da peopo dat go all out fo God inside, Dey can stay good inside Cuz dey goin see God.

John 10:15

jalike my Faddah know me, an I know my Faddah. I mahke fo my sheeps.

Rome 8:18

You know, I figga how we stay suffa right now, az notting! Cuz da awesome stuff God goin show us bumbye, goin be unreals!

1 Corint 13:11

From small kid time, I wen talk jalike one small kid. I wen tink jalike one small kid. I wen figga out eryting jalike one small kid. Now I stay big, az why I no do da tings da same way da small kids do um.

1 Corint 8:3

But if somebody get love an aloha fo God, God know dem, an dass wass importan.

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

2 Corint 5:7

Da way we live, we trus God erytime, no matta no can see him.

Philippi 3:12

I no tell dat I win da race awready. I not perfeck yet. But me, I like go all out fo get da medal. Jesus Christ make me come his guy awready. Dass why I go all out fo win.

James 1:23

Da guy dat ony like hear, an no like do notting, he jalike one guy dat check out his face inside da mirror.

1 John 3:2

My good frenz, us God kids awready. God no show us yet wat kine peopo we goin be bumbye. But we know dat wen Christ come back, us guys goin be jalike him, cuz us goin see him da way he stay.

Jesus Show 22:4

God worka guys goin see his face, an dey goin get God name on top dea forehead.