1 Corint 12:31 - Hawaii Pidgin Bible

³¹ Now, you guys go all out fo handle da mos importan stuff God give you fo do. Still yet, I like show you guys da bestes way fo live:

1 Corint 12:31 ပူးပေါင်းရင်းမြစ်များ

Matthew 5:6

“Da peopo dat erytime fo real kine like do da right ting, Dey can stay good inside Cuz God goin help um do um.

Luke 10:42

But you ony need one ting. Mary wen pick da mo betta ting, an nobody can take dat away from her.”

1 Corint 13:1

If I wen talk all da diffren kine language peopo talk, peopo kine an even angel kine, but I no mo love an aloha, wat den? I ony stay talking jalike one junk kine bell o one kalangalang cymbal.

1 Corint 14:1

Go all out fo get love an aloha. An geev um so God Spirit give you da powa fo do all kine tings da Spirit like you fo do. But you know wat kine powa you need da mos? You need da powa fo talk fo God, dass da main ting!

1 Corint 14:39

My braddahs an sistahs, wat all dis mean?! Dis mean, go all out fo talk fo God! An no go tell peopo dey no can talk one diffren kine language.

1 Corint 8:1

Now I like talk bout da meat dat peopo give fo make sacrifice fo da idol kine gods. All us know plenny bout dis. But you know, if somebody know plenny, dat ony goin make dem tink dey mo smart den erybody. Mo betta get love an aloha fo da odda peopo. Dass wat goin make erybody come mo strong an mo solid inside.

Philippi 3:8

But you know wat? I tink eryting ony wase time. Cuz now, I know fo real kine Da One In Charge a me, Jesus Christ! An dass mo betta! I wen lose eryting cuz I his guy, you know. An I figga, all dat kine stuff I jus wen talk bout, ony bullshit! Cuz I like come real tight wit Christ.

Hebrews 11:4

Befo time, had one guy Abel. He wen trus God, an dass how come his sacrifice was mo betta den da sacrifice his braddah Cain wen give God. Cuz Abel wen trus God, az why God tell Abel stay get um right wit God, an dat Abel, he give God one good kine sacrifice. No matta Abel stay mahke awready, jalike he still yet stay talk to us guys cuz he wen trus God.