1 Corint 11:20 - Hawaii Pidgin Bible

²⁰ Cuz wen you guys come togedda fo eat, suppose to be fo no foget Da One In Charge, az Jesus. But you guys no do dat.

1 Corint 11:20 ပူးပေါင်းရင်းမြစ်များ

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Zekariah 7:6

An da times you guys stay eat an drink fo da spesho ceremonies, was fo ony you dat you guys do um, aah?!

Jesus Guys 2:42

Dey stick wit all da stuff dat Jesus guys teach dem. An dey all stick togedda, an eat togedda, an pray togedda.

Jesus Guys 2:46

Ery day dey come togedda inside da open lanai fo da temple. Dey all come togedda inside dea houses an bring dea food fo share wit each odda. An dey all stay good inside, an dey happy fo come togedda.

1 Corint 11:17

Wat I goin tell now, I no can tell notting good bout you guys. Weneva you guys come togedda, dat no make you guys mo betta. You come mo worse, brah!

1 Corint 11:19

(Fo shua, if get presha fo you guys split up, den can find out who lissen Da One In Charge, an who no lissen Da One In Charge.)

1 Corint 11:21

Cuz nobody share food, az why. Dey eat da food dey bring. Az why get guys dat stay hungry, an get odda guys dey get piloot.

Hebrews 10:25

No stop come togedda fo meet each odda, jalike some peopo no meet each odda no moa. Mo betta dis: give each odda good kine words, an do um even mo plenny cuz you guys know dat Jesus, Da One In Charge, goin come back real fas.

2 Peter 2:13

Dey make peopo suffa plenny, an God goin make dem suffa too, cuz dey neva do da right ting! Dey tink az good fun fo party up. Dey even do any kine stuff dey like do day time wen erybody can see um! Wen dey eat wit you guys, dey ony stay dea fo party up an do all kine shame stuff.

Jude 1:12

Wen you guys stay eat togedda cuz you get love an aloha fo each odda, dose buggahs mess you guys up. Dey ony come by you guys fo eat an party up. Dey ony kea fo dem. Dey no shame. Dey talk an dey no do wat dey tell dey goin do, jalike da clouds dat no mo watta an da wind blow um away. Dey jalike trees dat no mo fruit wen time fo pick da fruit. Jalike somebody wen pull up da tree by da roots, an da tree mahke awready.