1 Corint 1:31 - Hawaii Pidgin Bible

³¹ So den, jalike da Bible tell befo time: “Anybody like talk big, mo betta dey ony talk big bout Da One In Charge erytime, an not talk big bout ony dem!”

1 Corint 1:31 ပူးပေါင်းရင်းမြစ်များ

1 Records 16:10

Talk big bout him, cuz you know how good an spesho he stay. I like fo all da peopo dat like know Da One In Charge stay good inside.

1 Records 16:35

Call out, “God, get us outa trouble! You da One can do dat! Bring us togedda, An get us outa trouble from da odda peopos! Den us goin feel awesome wen we tell erybody we know who you, An tell dat you stay good an spesho! Fo us tell erybody Dat you da greates!”

Songs 105:3

Talk big bout him Cuz you know wat kine god him, An you know he stay good an spesho. All da peopo dat try fo know Da One In Charge fo real kine, I like fo dem stay good inside.

Songs 34:2

I like talk big bout Da One In Charge, Cuz a wat he do. Wen da peopo dat no tink Dey gotta be numba one Hear bout him, Dey goin stay good inside jalike me.

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Jeremiah 4:2

Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”

Rome 4:2

Dis wat us guys can tell: If Abraham wen get um right wit God cuz a da stuffs he wen do, den he can go talk big bout dat. But in front God, he no can talk big notting.

1 Corint 4:6

My braddahs an sistahs, I wen talk bout me an Apollos, jalike I draw one picha fo help you guys learn dis one ting from us guys: Ony do wat da Bible tell you fo do. If you guys learn dat, den you guys no goin talk big cuz you stay tight wit one a us guys an you make jalike da odda guy notting.

2 Corint 10:17

You know, da Bible tell, “Da guy dat talk big, let um talk big bout Da One In Charge.”

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.